Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
05.02.2013

ИЖТИМОИЙ-ИҚТИСОДИЙ ВАЗИФАЛАРНИ БАЖАРИШ

партия кенгашлари ва депутатлик гуруҳларининг бу борадаги фаолиятини такомиллаштириш электорат манфаатларини самарали ҳимоя қилишга хизмат қилади

ЎЗБЕКИСТОН ХАЛҚ ДЕМОКРАТИК ПАРТИЯСИ ЖОРИЙ ЙИЛДА ЎЗ ДАСТУРИЙ МАҚСАДЛАРИГА МУВОФИҚ ТАРЗДА АҲОЛИНИНГ БАНДЛИК ДАРАЖАСИНИ ОШИРИШ, АЙНИҚСА, КАСБ-ҲУНАР КОЛЛЕЖЛАРИ БИТИРУВЧИЛАРИНИ МУТАХАССИСЛИКЛАРИГА МОС ИШ БИЛАН ТАЪМИНЛАШ ЖАРАЁНЛАРИДА ЯНАДА ФАОЛ ИШТИРОК ЭТИШНИ МАҚСАД ҚИЛГАН.

БАРЧА ДАРАЖАДАГИ ПАРТИЯ ТАШКИЛОТЛАРИ БУ МУҲИМ ВАЗИФАГА ЖИДДИЙ МАСЪУЛИЯТ БИЛАН ЁНДАШИШИ, ХАЛҚ ДЕПУТАТЛАРИ МАҲАЛЛИЙ КЕНГАШЛАРИДАГИ ЎзХДП ДЕПУТАТЛИК ГУРУҲЛАРИ «2013 ЙИЛДА ИШ ЎРИНЛАРИ ТАШКИЛ ЭТИШ ВА АҲОЛИ БАНДЛИГИНИ ТАЪМИНЛАШ ДАСТУРИ» ИЖРОСИГА ҚАРАТИЛГАН АМАЛИЙ ИШЛАР БИЛАН ФАОЛ ШУҒУЛЛАНИШИ, ДЕПУТАТЛИК ҲАМДА ЖАМОАТЧИЛИК НАЗОРАТИНИ ТИЗИМЛИ РАВИШДА КУЧАЙТИРИБ БОРИШИ ТАЛАБ ЭТИЛАДИ.

Ўзбекистон ХДП Марказий Кенгаши ташаббуси билан Олмазор туманидаги «Гуручариқ» маҳалла фуқаролар йиғинида «2013 йилда иш ўринлари ташкил этиш ва аҳоли бандлигини таъминлаш дастуридан келиб чиқадиган вазифалар ва унда касб-ҳунар коллежи битирувчиларини иш билан таъминлашда ЎзХДП депутатлик гуруҳларининг иштироки» мавзусида давра суҳбати ўтказилди.

Унда ЎзХДП Марказий Кенгаши масъул ходимлари, Олий Мажлис Қонунчилик палатасидаги партия фракцияси аъзолари, халқ депутатлари Тошкент шаҳар Кенгаши депутатлари, Тошкент шаҳар партия кенгаши ва ижтимоий ҳамкор ташкилотлар вакиллари иштирок этди.

Давра суҳбатида Олий Мажлис Қонунчилик палатасидаги партия фракцияси ҳамда халқ депутатлари Тошкент шаҳар Кенгашидаги партия депутатлик гуруҳининг ижтимоий-иқтисодий вазифаларни бажариш борасидаги фаолиятини янада самарали ташкил этиш орқали электорат манфаатларини ҳимоя қилиш, «Ўзбекистон Республикасининг Меҳнат кодексига ўзгартиш ва қўшимчалар киритиш тўғрисида»ги қонун лойиҳаси учун партия электорати манфаатларига мос келувчи аниқ таклифлар ишлаб чиқиш масалалари хусусида фикр алмашилди.

Шунингдек, Тошкент шаҳар туманларида турли ишлаб чиқариш тармоқлари, оилавий тадбиркорлик ва касаначиликни ривожлантириш орқали аҳо­ли бандлигини таъминлаш имкониятлари муҳокама қилинди. Шу муносабат билан 2013 йилда иш ўринлари ташкил этиш ва аҳоли бандлигини таъминлаш дастурининг ижросида ЎзХДП депутатлик гуруҳларининг асосий вазифалари таҳлил қилинди.

— ЎзХДПнинг 2013 йилга мўлжалланган Ҳаракат дастурида оилавий тадбиркорлик, касаначилик ва ишлаб чиқариш соҳасини янада ривожлантириш орқали ёшлар, хотин-қизлар, жисмоний имконияти чекланган кишилар ҳамда вақтинча иш ўрнига эга бўлмаган фуқароларнинг бандлигини таъминлаш устувор вазифалар сифатида белгилаб олинди, — дейди ЎзХДП Марказий Кенгаши аҳоли банд­лиги ва ижтимоий сиёсат масала­лари бў­лими мудири Боймурод ЮСУПОВ. — Бу ва­зифаларнинг ўз вақтида бажарилиши жамоатчилик назорати кучайиши билан бевосита боғлиқ. Шу боис, янги иш ўринлари ташкил этиш ва аҳоли бандлигини таъминлаш бўйича чоралар ишлаб чиқилишида шаҳар партия ташкилотлари ва шаҳар Кенгашидаги ЎзХДП депутатлик гуруҳининг амалий иштирокини кучайтиришга алоҳида эътибор қаратилаяпти. Демак, депутатларимиз ва фаолларимиз истиқболли лойиҳаларни ишлаб чиқиб, уларни амалга ошириш бўйича фаол иш олиб бориш­лари зарур. Шунда партиямиз электорати вакилларини иш билан таъминлаш, уларнинг ҳаёти фаровонлигини ошириш, ҳудудларни ижтимоий-иқтисодий ривожлантиришга муносиб ҳисса қўшган бўламиз.

— Иш ўринлари ташкил этиш ва аҳоли бандлигини таъминлаш дастурида Тошкент шаҳрида жорий йил давомида 81 мингдан ортиқ янги иш ўрни яратиш кўзда тутилган, — дейди Тошкент автомобиль йўллари касб-ҳунар коллежи директори, халқ депутатлари Тошкент шаҳар Кенга­ши депутати Жасур Қулмуҳаммедов. — Бу эса ўз навбатида, аҳоли бандлигини таъминлаш, шунингдек, касб-ҳунар коллежи битирувчилари учун қўшимча янги иш ўринлари яратиш демакдир. Биргина Тошкент шаҳрида кичик корхоналар ва микрофирмаларни ташкил қилиш ҳисобидан 50 мингдан ортиқ, касаначиликнинг барча шаклларини яратиш ҳисобидан 8 мингдан ортиқ янги иш ўрни яратиш кўзда тутилган. Аммо шуни айтиш керакки, жойларда иш ўринларига эҳтиёж ва касб-ҳунар коллежлари битирувчилари сонининг мутаносиблигини изчил назорат-таҳлил этиб бориш лозим. Ижтимоий-иқтисодий ривожланишга оид маҳаллий дастурларнинг шакллантирилишида депутатлик гуруҳи ҳаётий таклифлар билан фаол иштирок этиши талаб этилади.

Шу билан бирга, 2012-2013 ўқув йилида касб-ҳунар коллежлари битирувчиларининг доимий бандлигини таъминлаш, корхоналар билан уч томонлама шартномалар тузиш ҳамда бўш иш ўринлари ярмаркаларини мунтазам ташкил этиб бориш ҳам муҳим аҳамиятга эга.

Давра суҳбатида Олий Мажлис Қонунчилик палатаси томонидан биринчи ўқишда қабул қилинган «Ўзбекистон Республикасининг Меҳнат кодексига ўзгартиш ва қўшимчалар киритиш тўғрисида»ги қонуни лойиҳаси хусусида фикр юритилди.

Фракция аъзолари мазкур қонун лойиҳаси Ўзбекистон Республикаси меҳнат қонунчилигини такомиллаштириши, тадбиркорлик фаолиятини амалга ошириш учун қулай шарт-шароит яратиши, ёшларни кафолатланган иш ўринлари билан таъминлаш, меҳнат муносабатлари соҳасидаги ҳуқуқий асосларни янада кучайтиришга хизмат қилишини алоҳида таъкидлашди.

— Меҳнат ва аҳолини ижтимоий муҳофаза қилиш вазирлиги билан ҳамкорликда сўнгги уч йил давомида партия фракцияси ташаббуси билан иш ўринлари ташкил этиш ва аҳоли бандлигини таъминлаш дастурининг ижроси юзасидан парламент эшитувлари ташкил этилмоқда, — дейди Олий Мажлис Қонунчилик палатаси депутати, ЎзХДП фракцияси аъзоси Улуғбек Ҳожибеков. — Ушбу йўналишда мақсадли назорат-таҳлил ишлари олиб борилиб, мазкур қонун лойиҳаси учун аниқ таклиф ва тавсия­лар ишлаб чиқилди.

ЎзХДП учун яна бир муҳим жиҳат, Меҳнат кодексининг 84-моддасига киритилаётган ўзгартишга асосан таълим муассасалари битирувчиларини ишга қабул қилишда дастлабки синов муддатига йўл қў­йилмаслиги белгиланмоқда. Шунингдек, 239-моддага киритилаётган ўз­гартиш билан олий таълим муассасаларини давлат гранти асосида битирган ва биринчи марта ишга кираётган ёшларга ҳам шундай имконият яратиб берилаётгани партия электорати манфаатлари ҳам­да дастурий мақсадларига тўла мос келади. Зотан ёшларни бу борада янада қўллаб-қувватлаш ва соҳага оид қонунчиликни ривожлантириш бугунги кунда муҳим аҳамият касб этади.

Гулруҳ ОДАШБОЕВА,

«Ўзбекистон овози» мухбири.



DB query error.
Please try later.