Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
05.02.2013

ЗАМОНАВИЙ ТИББИЙ МАРКАЗ

она ва бола саломатлигини муҳофаза этишга хизмат қилади

Бугунги кунда мамлакатимизда она ва бола саломатлигига алоҳида эътибор қаратиб келинмоқда. Мустаҳкам оила йилида Бухоро шаҳрида барпо этилган вилоят перинатал марказини ана шу ғамхўрликнинг тимсоли десак хато бўлмайди.

Айни пайтда вилоятда фертил ёшидаги аёллар сони 786 минг нафарни ташкил этади. Барча шаҳар ва туманларда туғруқ комплекслари мавжуд. Перинатал марказ яқин-яқингача вилоят ихтисослашган туғруқ комплекси базасида фаолият юритиб келарди. Эндиликда эса жаҳон андозаларига жавоб берадиган, юқори технологияли тиббий асбоб-анжомлар билан жиҳозланган марказ иш бошлади. Акушерлик, перинатал, неонтал ва гинекологик хизматларни ўзида мужассам этган ушбу мажмуа 100 ўринга эга стационар бўлим ва консультатив поликлиникадан иборат. Маслаҳат-ташхис поликлиникаси, репродуктив саломатлик маркази ҳам шу мажмуа таркибида иш олиб бормоқда.

— Муассасамизнинг бошқа туғруқ комплексларидан фарқ­ли жиҳати шундаки, унда чақалоқлар реанима­ция­си, патологияси, физиологияси бў­лимлари фаолият олиб бормоқда, — дейди марказ директори вазифасини бажарувчи Насиба Баҳронова. — Шунингдек, биз туғилганига бир ой бўлган чақалоқларни ҳам даволаш учун қабул қиламиз. Биз нафақат ҳомиладор аёлларга, балки қизларга ҳам тиббий хизмат кўрсатамиз.

Бундан ташқари, марказда кўп функцияли стационар рент­ген ва кўчма рентген аппаратлари ҳам мавжуд бўлиб, улар кўмагида беморни ўрнидан қўзғатмай туриб, палатанинг ўзидаёқ зарур таҳлилларни олиш мумкин. Кардиомонитор ускунаси эндигина дун­ёга келадиган чақалоқнинг аҳ­волини аниқлаб беришда қўл келмоқда. Қолаверса, кардиотопограф аппарати онанинг юрак уришини, ҳомиланинг ҳолатини ойнадек акс эттириб беради ва шифокорга даволаш ишларини самарали олиб бориш учун қулайлик туғдиради. Бир сўз билан айт­ганда, марказ она-бола саломатлигини муҳофаза қилиш ва соғлом фарзанд­лар дунёга келишига хизмат қилмоқда.

Моҳигул ЎКТАМОВА



DB query error.
Please try later.