Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
05.02.2013

ДЭВИС КУБОГИ: ЎЗБЕКИСТОН — ХИТОЙ — 4:1

Намангандаги «Паҳлавон» спорт мажмуида теннис бўйича Дэвис кубоги Осиё — Океания минтақаси биринчи зонасидан жой олган Ўзбекистон — Хитой терма жамоалари баҳси ўтказилди. Уч кун давом этган учрашувларда моҳир ракеткачилар Денис Истомин, Фаррух Дўстов, Сарвар Икромов ҳамда Темур Исмоиловлар юртимиз шарафини ҳимоя қилди.

Мусобақанинг илк кунида етакчи теннисчимиз Денис Истомин Ди Вуга қарши кортга чиқди. Дастлаб ҳамюртимиз кетма-кет икки партияда рақибига бир хил — 4/6 ҳисобларида имкониятни бой берган бўлса, учинчи партиядан бошлаб ўз устунлигини ҳисобда (7/6 (4), 7/5, 6/2) намойиш этди.

Мамлакатимизнинг иқтидорли ракеткачиси Фаррух Дўстов ҳамда Зе Жанг учрашуви мусобақанинг ҳал қилувчи баҳсларидан бири сифатида алоҳида аҳамиятга молик эди. Агар унда вакилимиз ғалаба қозонса, руҳий устунлик тўлиқ теннисчиларимиз томонига ўтиб кетарди. Шу боис, мазкур ўйин барчанинг диққат марказида турди ва у қарийб икки соат давом этди. Унда Фаррух ишончли ғалабани қўлга киритди — 3:2 (4/6, 7/6 (8), 6/4, 3/6, 6/4).

Мусобақанинг иккинчи кунида мухлислар жуфтлик учрашувларига гувоҳ бўлишди. Унда Фаррух Дўстов/Денис Истомин жуфтлиги Мао Син Гонг/Же Лиларга қарши кортга чиқди — 3:0 (6/3, 7/6, 6/3). Бу натижа ҳамюртларимизнинг амалда хитойликлар устидан ғалабасини таъминлади.

Қолган икки учрашув эса шунчаки расмиятчилик учун ўтказилди. Шу боис, мураббийларимиз унда ёш теннисчиларимизга имконият беришди. Сарвар Икромов  — За Жанг «дуэли»да ҳамюртимиз рақибини енгган (2:0 (6/3, 7/5) бўлса,  ўн саккиз ёшли ­Темур Исмоиловга бироз тажриба ва маҳорат етишмади. У Ди Вуга қарши кечган учрашувда икки сетда ҳам имкониятни бой берди — 0:2 (0/6, 2/6).

Шундай қилиб, Ўзбекистон терма жамоаси умумий ҳисобда (4:1) хитойликларни мағлубиятга учратиб, кейинги босқичга йўлланмани қўлга киритди. Энди ракеткачиларимиз навбатдаги учрашувларда Австралия теннисчиларига қарши кураш олиб борадилар.

Эркин ХОЛБОБО



DB query error.
Please try later.