29.01.2013

ПАРТИЯНИНГ АМАЛГА ОШИРИЛАЁТГАН ИСЛОҲОТЛАРДАГИ ИШТИРОКИНИ КЕНГАЙТИРИШ

бугунги куннинг долзарб вазифасидир

2013 йил 24 январь куни Ўзбекистон ХДП  Марказий Кенгаши Ижроия қўмитаси Ҳайъати ва партиянинг Олий Мажлис Қонунчилик палатасидаги фракциясининг кенгайтирилган қўшма мажлиси бўлиб ўтди.

Унда Ўзбекистон ХДП ташкилотлари ва депутатлик бирлашмаларининг партия электорати манфаатларига жавоб берувчи иқтисодий ва ижтимоий вазифаларни ҳал этишдаги иштиро­кини кенгайтириш борасидаги вазифалар кўриб чиқилди.

Йиғилишда таъкидланганидек, гарчи 2010-2012 йиллар давомида партияда электорат манфаатини ҳимоялаш борасида янги тажриба тўп­ланган бўлса-да, ЎзХДПнинг бир қатор ташкилотлари ва халқ депутатлари маҳаллий Кенгашларидаги депутатлик гуруҳлари фаолиятининг самараси пастлиги бизни қо­ниқтирмаяпти.

Халқ депутатлари туман ва шаҳар Кенгашларидаги айрим депутатлик гуруҳларининг иши сустлигича қолмоқда. Улар партия электоратининг ижти­моий манфаатлари ва эҳ­тиёжларини ўрганиш ва тегишли ижтимоий вазифаларни депутатлик ваколати дои­расида ҳал қилиш бўйича етар­ли ташаббус кўрсатмаяптилар.

Барча минтақавий ва маҳал­лий партия кенгашлари бундан тегишли хулосалар чиқариб, маҳаллий Кенгашларга сайланган депутатларимизнинг масъулиятини ошириш бўйича зарур чоралар кўришлари лозим. Партиянинг барча таркибий бўғинлари ва депутатлик бирлашмаларининг электоратимиз манфаатларига жавоб берувчи вазифаларни ҳал қилишдаги амалий иш­тирокини жиддий кенгайтириш бугунги куннинг муҳим ва­зифаларидан ҳисобланади.

Парламент томонидан тасдиқланган янги иш ўринлари ташкил этиш ва аҳоли бандли­гини таъминлаш дастурининг бажарилиши борасидаги масалалар партиянинг барча тузилмалари диққат марказида бўлиши керак. ЎзХДПнинг маҳаллий Кенгашлардаги депутатлик гуруҳлари бу борада фақат жойларда ҳудудий бандлик дастурларининг бажарилиши устидан депутатлик ва жамоатчилик назорати билангина чекланмасликлари зарур. Улар партия элек­торати учун қў­шимча янги иш жойларини ташкил этиш бў­йича амалий чоралар кўришда янада кўп­роқ қатъият кўр­сатишлари талаб этилади.

Партия депутатлик гуруҳлари томонидан хусусий сармоялар ва маҳаллий ресурслар ҳисобига амалга ошириладиган қўшимча инвестиция лойиҳаларини шакллантириш бўйича асосланган таклифларни тайёрлаш ва уларни ту­ман ҳамда шаҳарларнинг ҳу­дудий ривожлантириш дас­турларига киритиш бўйича ишлар тизимли равишда давом эттирилиши керак.

Обод турмуш йили, деб эълон қилинган 2013 йилга белгиланган устувор йўналишларга мувофиқ, партия томонидан 2011 — 2012 йилларда бошланган «Маҳалла — аҳолини манзилли ижтимоий қўллаб-қувватлаш маркази» ҳамда «Мустаҳкам оила — жамият таянчи» мавзусидаги мақ­садли тадбирларнинг ўтказилиши давом эттирилиши лозим. Ушбу тадбирларнинг ама­лий натижаси — ишга жойла­шишга муҳтож электорат вакилларини аниқлаш ва уларга корхоналар билан меҳнат шартномалари асосида касаначиликни йўлга қўйишларига ёрдам кўрсатишдан иборат бўлиши зарур.

Таълим муассасалари битирувчиларини эгаллаган мутахассисликлари бўйича дои­мий иш билан таъминлаш вазифаларини ҳал қилишда пар­тиянинг таъсирчан иштирокини таъминлаш алоҳида эътибор талаб қилади.

Касб-ҳунар коллежлари битирувчиларини эгаллаган кас­би бўйича меҳнат билан банд­лигини кафолатли таъминлаш­га қаратилган давлат қарорларининг бажарилиши устидан мунтазам парламент ва депутатлик назоратини амалга ошириш бўйича ЎзХДП­нинг Олий Мажлис Қонунчилик палатасидаги фракцияси аъзоларининг партиянинг жой­лардаги депутатлик гуруҳлари билан ҳамкорлиги янада самарали бўлишини таъминлайдиган чора-тадбирларни кўриш керак.

Йил давомида тегишли масалаларни мунтазам ўрганиш, уларни халқ депутатлари маҳалий Кенгашларидаги депутатлик гуруҳларимиз йиғилишларида батафсил кўриб чиқиб, аниқланган камчиликларни тезда бартараф этиш ва жойларда тегишли вазифаларни ҳал қилиш самарадорлигини оширишга қаратилган қарорлар лойиҳаларини Кенгашларнинг доимий ко­миссиялари ва сессиялари му­ҳокамасига киритиш лозим бўлади.

ЎзХДП ташкилотлари ва депутатлик бирлашмаларининг бу борадаги амалий саъй-ҳа­ракатлари ўрта махсус касб-ҳунар таълими муассасалари билан биргаликда турли корхоналар учун «касблар ярмар­калари»ни ташкил этишдан иборат бўлиши даркор. Шу орқали иш берувчилар эътибо­рини таълим муас­сасаларини 2013 йилда тугатаётган коллеж битирувчиларига жалб этиш зарур.

Шу билан бирга, меҳнат ва аҳолини ижтимоий муҳофаза қилиш идоралари ҳамда турли соҳа корхоналари билан ҳамкорликда ўрта махсус касб-ҳунар муассасаларини битираётган ёшлар учун бўш иш ўринлари ва «коллеждан — корхонага» шиори остидаги мақсадли амалий тадбирларни ташкил этиш амалиётини кенгайтириш керак бў­лади. Шунингдек, ушбу вазифаларни ҳал қилишда партия­нинг парламентдаги фрак­цияси аъзоларининг Кадрлар тайёрлаш миллий дастури, коллежлар битирувчиларига тои­фа разрядларини бериш ва кейинчалик уларни ишга жойлаштириш бўйича ҳамда ўрта махсус касб-ҳунар таълими муассасаларининг ўқув ишлаб чиқариш базасини шакл­лантиришда, ўрта махсус касб-ҳунар таълими муассасалари битирувчиларига кафолатланган биринчи иш ўрнини таъминлашга қаратилган самарали механизмларни яратишга оид таклифларни тайёрлашдаги ташаббускорлигини ошириш ҳам муҳим аҳамият касб этади.

Йиғилишда Ўзбекистон ХДП Марказий Кенгаши раиси ­Латиф Ғуломов, Марказий Кенгаш раиси ўринбосари, партиянинг Олий Мажлис Қонунчилик палатасидаги фракцияси раҳбари Улуғбек Вафоев, шунингдек, партиянинг Олий Мажлис Қонунчилик палатасидаги фракцияси аъзолари — Меҳнат ва ижтимо­ий масалалар қўмитаси раиси Фахриддин Ражабов, Фан, таълим, маданият ва спорт масалалари қўмитаси раи­си ўринбосари Абдуғаффор Қирғизбоев, ЎзХДП Марказий Кенгаши аъзолари — «Ўзбекистон овози» ва «Голос Узбекистана» газеталари Бош муҳаррири Сафар Остонов, Марказий Кенгашнинг ижтимоий сиёсат ва аҳоли бандлиги масалалари бўлими мудири Боймурод Юсупов сўзга чиқди.

Йиғилиш якунларига кўра, партиянинг 2013 йилга мўл­жалланган Ҳаракат дастурини тасдиқлаш ва уни маҳаллий партия ташкилотларига юбориш тўғрисида қарор қа­бул қилинди.

ЎзХДП МК Матбуот хизмати


DB query error.
Please try later.