26.01.2013

ЗАМОНАВИЙ ТАЪЛИМ МАРКАЗИ

Давлатимиз раҳбарининг 2012 йил 10 декабрда қабул қилинган «Чет тилларни ўрганиш тизимини янада такомиллаштириш чора-тадбирлари тўғрисида»ги қарорида таъкидланганидек, таълим тизимининг барча босқичларида чет тилларни узлуксиз ўрганишни ташкил қилиш, замонавий педагогик ва ахборот-коммуникация технологияларидан фойдаланган ҳолда ўқитишнинг илғор услубларини жорий этиш бугун долзарб аҳамиятга эга.

Қорақалпоғистон Республикасида ёш авлоднинг хорижий тилларни пухта ўрганиши учун барча имкониятларни яратиш, шаҳар ва қишлоқлардаги махсус ихтисослаштирилган таълим муассасаларининг, фан тўгаракларининг самарали фаолият юритишини таъминлаш ишлари изчил олиб борилмоқда.

Нукус шаҳридаги «Progress» таълим ва ривожланиш маркази болалар ва ўқувчи-ёшларнинг интеллектуал салоҳиятини оширишга, хусусан, инглиз тилини чуқур ўқитишга ихтисослашган. Марказ болалар боғчаси, умумтаълим мактаби, бадиий ижод (рақс, хор, вокал, тасвирий санъат) ва фан (инглиз ва рус тили) тўгаракларини, шунингдек, қатор спорт секциялари — бадиий гимнастика, футбол, волейбол, баскетбол, шашка, таэквандони ўз ичига олган. Марказдаги болалар боғ­часида 5 ёшдан 7 ёшгача бўлган болалар тарбияланади. Бу ерда таълим-тарбия ишлари болаларни мактабга тайёрлаш бўйича 2 йиллик махсус дастур асосида олиб борилади ва асосан инглиз тилига доир дастлабки билим ва кўникмалар берилади.

Марказдаги мактаб ҳам инглиз тилини чуқур ўқитишга ихтисослаштирилган бў­либ, ўқув машғулотлари ик­ки сменада йўлга қўйилган. Инглиз тили 2-синфдан ўр­гатилади. Машғулотларда электрон ўқув қуролларидан, мультимедия воситаларидан кенг фойдаланилади.

Суратда: Нукус шаҳридаги «Progress» таълим ва ривожланиш мар­казида.



DB query error.
Please try later.