Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
16.07.2019

ҲАР БИР ДОРИ ВА УНИНГ НАРХ-НАВОСИ ҲАҚИДА

мобиль илова орқали батафсил маълумот олиш имконияти яратилади

Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида Соғлиқни сақлаш вазирлиги ва Фармацевтика тармоғини ривожлантириш агентлиги томонидан фармацевтика саноатидаги ислоҳотлар мавзуида матбуот анжумани ўтказилди. Унда дори-дармон сифатини назорат қилиш борасида олиб борилаётган ишлар хусусида маълумотлар берилди.

 

— Бугунги кунда дори воситаларининг сифати қатъий назоратга олинган бўлиб, сифатсиз дори воситаларининг ишлаб чиқарилишига ва четдан юртимизга олиб кирилишига умуман йўл қўйилмайди, — деди Дори воситалари, тиббий буюмлар ва тиббий техника экспертизаси ва стандартлаштириш давлат маркази давлат унитар корхонаси ахборот-таҳлил бўлими бошлиғи Муҳаббат Иброҳимова. — Шу мақсадда фармацевтика тармоғини ривожлантириш Агентлиги қошида Дори воситалари, тиббий буюмлар ва тиббий техника экспертизаси ва стандартлаштириш давлат маркази ҳам фаолият юритмоқда. Мазкур марказ республикамизга олиб келинаётган ва ишлаб чиқарилаётган дори воситаларининг сифатини назорат қилади ҳамда уларни давлат рўйхатидан ўтказади. Шунингдек, ушбу муассаса томонидан 2018 йил ва 2019 йилнинг 1 майига қадар сифати талабга жавоб бермагани учун 258 номдаги дори воситалари ва тиббий буюмлар, 43 номдаги субстанцияларга мувофиқлик сертификати бериш рад этилди.

— Эндиликда бу борадаги ишлар янада такомиллаштирилиб, дори воситаларини электрон тарзда назорат қилиш тартиби белгиланади, — дейди Соғлиқни сақлаш вазирлигининг жамоатчилик билан алоқалар бўлими бошлиғи Фурқат Санаев. — Бунда халқаро тажрибаларни ўрганган ҳолда янги тизим жорий этиляпти. Унга кўра, ҳар бир импорт қилинаётган ва ишлаб чиқарилаётган дори воситасига махсус стикерлар ёки ёрлиқлар жойланиб, дори расталарига етказилади. Келгусида шу стикер ёки ёрлиқлар асосида аҳоли ҳар бир дори ва унинг нарх-навоси ҳақида мобиль илова орқали батафсил маълумот олиши мумкин бўлади.

 

Дилдора ЙЎЛДОШЕВА,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: