02.07.2019

1 ТОННА 27 КИЛОГРАММ ГИЁҲВАНДЛИК МОДДАСИ ЁҚИБ ЮБОРИЛДИ

Халқаро экспертларнинг маълумотларига кўра, 2018 йилда Афғонистонда кўкнори етиштириладиган майдонлар 263 минг гектарни, ишлаб чиқарилган опий миқдори 6400 тоннани ташкил этган. 2018 йилда Ўзбекистон ҳуқуқни муҳофаза қилиш органлари томонидан наркотрафикка қарши курашиш бўйича салмоқли ишлар амалга оширилди.Бу жараёнда гиёҳвандлик воситаларини мамлакатимизга олиб кириш йўлларини тўсиш, уларнинг нафақат республикамизда ноқонуний муомалада бўлиши, балки ҳудудимиз орқали транзит қилинишига чек қўйилди. Гиёҳвандлик моддалар билан шуғулланувчи уюшган гуруҳлар йўқ қилинди.

Республикамизга афғон наркотикларини асосан Тожикистон ҳамда Қирғизистондан ҳамда тўғридан-тўғри Афғонистондан Амударё орқали олиб кириш ҳолатлари учрамоқда. Ўзбекистонда 2018 йилда гиёҳвандлик воситалари билан боғлиқ жиноятни содир этганлиги учун ушланган шахсларнинг 46 нафарини чет эл фуқароси ташкил этади.

Давлат хавфсизлик хизмати республикамиз ҳуқуқни муҳофаза қилиш идоралари томонидан ноқонуний муомаладан мусодара қилинган гиёҳвандлик воситаларини йўқ қилиш бўйича навбатдаги тадбирни ўтказди.Халқаро ташкилотлар, дипломатик корпус вакиллари, хорижий ҳамда маҳаллий оммавий ахборот воситалари ходимлари кўз ўнгида 1 тонна 27 килограмм 911 грамм гиёҳвандлик моддаси ёқиб юборилди. Бу билан миллионлаб инсонларнинг ҳаёти сақлаб қолинди.


Фикр ва мулохазалар

Защита от автоматических сообщений

Сўнгги янгиликлар: