Охирги сонда



Кўп ўқилган мақолалар



Долзарб мавзу



Мақолалар архиви

«    Iyul 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4
02.07.2019

СЕКТОРЛАР НИМА БИЛАН БАНД?

Аҳолига қулай турмуш шароити яратиш, уларнинг муаммоларини ўз жойида ҳал этиш, фуқаролар билан янада яқинроқ бўлиш мақсадида секторлар фаолияти йўлга қўйилган эди.

Давлатимиз раҳбарининг 2019 йил 8 январдаги “Ҳудудларни комплекс ижтимоий-иқтисодий ривожлантириш бўйича секторлар фаолиятини янада такомиллаштиришга доир қўшимча чора-тадбирлар тўғрисида”ги қарори ва 17 январдаги «Аҳоли муаммолари билан ишлаш тизимини янада такомиллаштириш чора-тадбирлари тўғрисида»ги фармони ижроси доирасида қатор ишлар амалга оширилмоқда.

Пойтахтимизнинг Мирзо Улуғбек тумани 2-сектори ҳудудида 12 МФЙ, 77 хусусий уй-жой мулкдорлари ширкати, 11 умумтаълим мактаби, 16 мактабгача таълим, 3 тиббиёт муассасаси, 2 кутубхона, 104 маиший хизмат уйи, 12 сартарошхона, 28 дорихона, 301 саноат ва 27 қўшма корхона, 916 кичик бизнес субъекти, коллеж, музей, маданият ва истироҳат боғи, меҳмонхона, тез тиббий ёрдам шохобчаси, спорт мажмуаси, деҳқон бозори фаолият кўрсатади.

Мирзо Улуғбек туманини комплекс ижтимоий-иқтисодий ривожлантириш бўйича секторлар штаби таркибига киритилиши лозим бўлган идора ва ташкилотларнинг намунавий рўйхати тасдиқланган. 2-сектор штаби котиблигига туман прокурорининг катта ёрдамчиси Давронбек Эгамбердиев белгиланган ҳамда турли идора ва ташкилотларнинг 30 нафар вакиллари ишчи гуруҳ аъзоси сифатида бириктирилган.

Сектор худудида жойлашган барча маҳаллаларда маҳалла фуқаролар йиғини раислари, профилактика инспекторлари ва маҳалла посбонлари ишчи гуруҳ аъзоси сифатида бириктирилиб, вазифалари, уйма-уй юриш, фуқаролар билан суҳбатлашиш, сўров ўтказиш ҳамда аниқланган муаммоларни тизимли равишда таҳлил қилиш тартиби белгиланган.

Ҳар бир ишчи гуруҳ аъзосига сектор худудида жойлашган маҳаллалар бириктирилиб, ишчи гуруҳ аъзоси ўзининг функционал вазифаларидан келиб чиққан ҳолда мазкур маҳалла ҳудудида яшовчи фуқароларда аниқланган муаммоларни зудлик билан бартараф этиш чораларини кўриши, ушбу маҳаллада жойлашган ижтимоий объектларнинг аҳволини доимий равишда ўрганиб бориши “Инсон манфаатлари ҳамма нарсадан устун” тамойили асосида амалга оширилмоқда.

Сектор раҳбари ташаббуси билан сектор ҳудудида яшовчи 9 нафар кам таъминланган фуқаро уй-жой билан таъминланди. Уларга Мирзо Улуғбек тумани, “Азамат” МФЙда қурилган замонавий кўп қаватли уйлардан хонадонлар ажратиб берилди.

Аҳоли билан бўлган учрашувларда “Улуғбек” МФЙ шаҳар марказидан тахминан 30-50 километр узоқликда жойлашгани, ҳудудда тез тиббий ёрдам хизмати пункти мавжуд эмаслиги, тез тиббий ёрдам 30-40 дақиқада етиб келиши фуқароларда ноқулайликлар туғдираётгани ҳақида эътироз бўлди.

Сектор штаби томонидан Ўзбекистон Республикаси Соғлиқни сақлаш вазирлигига йўлланган хатлар натижасида, мазкур ҳудудда жойлашган 2-сонли республика клиник шифохонасида тез тиббий ёрдам пункти ҳамда доимий равишда фаолият олиб борадиган махсуслаштирилган “Дамас” автомашинаси ва шифокорлар ажратилишига эришилди.

– Ҳомий ташкилотларнинг кўмагида 32 ижтимоий ҳимояга муҳтож оилага ёрдам кўрсатилди, – дейди Мирзо Улуғбек тумани прокурори, 2-сектор раҳбари Т.Нормуҳамедов. – Ҳудуддаги 504-сонли мактабгача таълим муассасасида таъмирлаш ишлари олиб борилди. Бу каби саъй-ҳаракатлар натижасида қулай шарт-шароитлар яратилган мазкур муассаса тарбияланувчилар учун муносиб совға бўлди. Фуқароларнинг уй-жой, тиббиёт, моддий ёрдам, ишга жойлаштириш, кадастр, ичимлик суви, газ бўйича, банк кредити, пенсия муаммолари, иссиқлик таъминоти, ободонлаштириш масалаларига оид шикоятлари, таклифлари эшитилиб, ҳал этиш чоралари кўрилмоқда.

Ўрганишлар давомида ҳудудда замонавий автотурагоҳлар, болалар майдончаси, оқова сув қувурларини ўрнатиш, асфальт ётқизиш, уйларнинг том қисмини мукаммал таъмирлаш, атрофига бетон тротуар ётқизиш, ертўлаларни мукаммал таъмирлаш каби масалалар кўтарилган.

Амалга оширилиши керак бўлган ишлар юзасидан сўровнома ўтказилиб, Ўзбекистон Республикасининг “Маҳаллий давлат ҳокимияти тўғрисида”ги қонунида белгиланган ваколатлар ҳамда давлатимиз раҳбарининг қарор ва фармонларидаги талаблар асосида халқ депутатлари Тошкент шаҳар Мирзо Улуғбек тумани Кенгашининг сессияси муҳокамасига қўйилди.

Бу каби саъй-ҳаракатлар аҳоли фаровонлигини таъминлаш мақсадида амалга оширилмоқда. Ҳар бир ташкилот, тузилма аниқ мақсад сари одилона ҳаракат қилса, кўзланган натижага эришилади.

 

Барно МЕЛИҚУЛОВА,

ЎзА мухбири.


Фикр ва мулохазалар

Защита от автоматических сообщений

Сўнгги янгиликлар: