Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
28.06.2019

БОЖХОНА ҲАМКОРЛИГИ БЎЙИЧА ЎЗБЕКИСТОН ТАШАББУСИ МАЪҚУЛЛАНДИ

Пойтахтимиздаги Ёшлар ижод саройида Марказий Осиё минтақавий иқтисодий ҳамкорлик дастури (CAREC) доирасида Божхона ҳамкорлик қўмитасининг ўн саккизинчи мажлиси бўлиб ўтди. Унда Ўзбекистон, Афғонистон, Грузия, Мўғулистон, Қирғизистон, Қозоғистон, Озарбайжон, Покистон, Тожикистон, Туркманистон, Хитой божхона хизматлари, шунингдек, Жаҳон божхона ташкилоти делегацияси, Осиё тараққиёт банкининг 40 нафарга яқин вакили иштирок этди.

Тадбирнинг очилиш маросимида Ўзбекистон Давлат божхона қўмитаси раисининг биринчи ўринбосари Анвар Асамов республикамизнинг божхона органларида амалга оширилаётган жадал ислоҳотлар, сўнгги янгиланишлар ва ўзгаришлар ҳақида қисқача тўхталиб ўтди.

Шунингдек, тадбирда Марказий Осиё минтақавий иқтисодий ҳамкорлик дастури доирасида эришилган натижалар, 2030 йилга қадар савдо соҳасида интеграциялашган дастур ва уни амалга ошириш бўйича бажарилган ишлар ҳамда божхона соҳасидаги илғор янгиликлар атрофлича муҳокама қилинди.

Йиғилишда Ўзбекистон томони CARECга аъзо давлатлар божхона хизматлари ўртасида ягона ахборот тизимини жорий этиш ташаббусини илгари сурди. Мазкур ташаббус CARECга аъзо давлатларнинг ягона ойна тизимини жорий этиш ва ташувчилар рўйхатини тузиш, электрон ҳужжат айланишини ташкил этиш, тадбиркорларнинг шахсий кабинетини яратишни кўзда тутади. Ягона ахборот тизими воситасида божхона органлари давлат чегаралари орқали олиб ўтилаётган товар ва транспорт воситалари тўғрисидаги маълумотлардан олдиндан хабардор бўлади. Бу, ўз навбатида, тадбиркорларнинг қиcқа муддатда чегарадан ўтишини таъминлаб, молиявий харажатларни қисқартириш имконини беради.

Ушбу ташаббус СARECга аъзо давлатлар божхона хизматлари томонидан маъқулланди. Тожикистон, Покистон, Хитой, Озарбайжон, Афғонистон, Хитой вакиллари ўз мамлакатлари божхона соҳасида ушбу ташаббусга яқин амалиёт борлиги, улар икки томонлама келишувлар асосида амалга оширилаётгани сабабли, кўп қиррали ҳамкорликни ривожлантириш учун ягона тизимга зарурат борлигини қайд этди. Ягона ахборот тизимини ташкил этиш келгусида минтақавий савдо-иқтисодий алоқаларни янада ривожлантиришга хизмат қилиши таъкидланди.

CARECнинг 2020 йилга қадар мўлжалланган стратегияси эса Ўзбекистон Республикасида транспорт коммуникациялари, логистика ва божхона тизимларини модернизациялаштириш соҳаларида қиймати 10,6 миллиард АҚШ долларини ташкил қилувчи 24 та лойиҳани амалга ошириш кўзда тутилмоқда.

Шунингдек, Тошкент шаҳрида дастурга аъзо давлатлар вазирлари конференцияси ҳам бўлиб ўтади.

 

Дилдора ЙЎЛДОШЕВА,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: