Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
25.06.2019

ЖИНОЯТ СОДИР БЎЛДИ!..

Кўкнор етиштирганлар

2019 йил 6 июнь куни ўтказилган «Қорадори — 2019» кенг қамровли тадбир давомида Косон тумани Бунёдкор маҳалласида яшовчи 18 ёшли А.Б. 9 дона «кўкнор» бошоғини 400 минг сўмга сотаётган вақтида ушланган. Унинг отаси Б.Х.нинг ҳовлисидаги ер майдонида «кўкнор» ўсимлигини етиштираётганлиги аниқланиб, уйидан жами 592,07 гр. «кўкнор» хашаги, 0,47 гр. «опий», 62,2 гр. «кўкнор» ўсимлиги уруғи ва 7 кг. 466 гр. «кўкнор» ўсимлиги топилиб, далилий ашё сифатида олинди.

 Ҳолат юзасидан Б.Х. ва А.Б.ларга нисбатан жиноят иши қўзғатилиб, тергов ҳаракатлари олиб борилмоқда.

 

Ўз фарзандини сотмоқчи бўлган аёл

Шу йил 17 июнь куни Тошкент шаҳрининг Учтепа туманида яшовчи 23 ёшли С.И. ва расмий никоҳсиз рафиқаси 26 ёшли Г.Т. билан ўзаро жиноий тил бириктириб, аёл 2018 йил 26 октябрда туғилган ўғлини Учтепа туманида жойлашган «Жиз-Биз» кафесида таниши 27 ёшли С.И. исмли аёлга 9 000 АҚШ долларига сотаётган вақтларида ички ишлар органлари ходимлари томонидан ушланган.

Ҳолат юзасидан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.

 

Тендерда ютишни ваъда қилиб...

Жорий йилнинг 20 июнь куни Тошкент шаҳар ИИББга тушган ҳужжатларга кўра, 2017 йил 1 март кунидан 2018 йил 1 март кунигача бўлган вақт оралиғида Тошкент шаҳрининг М.Улуғбек туманида яшовчи 43 ёшли Ш.Ҳ. хорижий компания «Лебстрой» МЧЖ номидан иш кўраётган 38 ёшли А.Л.га жами 3.116.893 АҚШ доллари миқдорида электрлаштириш соҳасида ишлатиладиган металл конструкциялар етказиб бериш бўйича тендерда ютиб чиқиш ва ҳар қандай муаммоларни ҳал қилиб бериш эвазига, ундан жами 296.163,77 АҚШ долларини олиб, берган ваъдасини бажармай келганлиги аниқланганлиги кўрсатилган. Ш.Ҳ. ушланган.

Ҳолат юзасидан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.

 

Автомашинани олиб қочган мактаб ўқувчилари

21 июнь куни соат 1:00 ларда Жиззах шаҳри М.Улуғбек маҳалласи ҳудудида жойлашган «Жиззах темир йўл вокзали» автотураргоҳида эшиклари очиқ ҳолда қаровсиз қолдирилган «Нексия» русумли автомашинани номаълум шахслар ҳайдаб қочган.

Қидирув ишлари натижасида автомашина Ш.Рашидов тумани «Янги ҳаёт» МФЙ ҳудудидан ўтувчи «Жиззах — Фориш» йўлининг 24-километрда техник соз ҳолда топилган.

Кўрилган чоралар натижасида ушбу жиноятни Ш.Рашидов тумани Раваллиқ маҳалласида яшовчи, 11-сонли ўрта мактабнинг икки нафар 9-синф ўқувчилари О.А. ва Н.А.лар содир этганликлари аниқланиб, ушланганлар.

Ҳолат юзасидан Ўзбекистон Республикаси Жиноят кодексининг тегишли моддалари билан жиноят иши қўзғатилиб, тергов ҳаракатлари олиб борилмоқда.

 

Нилуфар ТЎРАХОНОВА,

Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси катта инспектори, лейтенант.


Фикр ва мулохазалар

Защита от автоматических сообщений

Сўнгги янгиликлар: