Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
04.06.2019

САЛОМАТЛИГИМИЗ ЎЗ ҚЎЛИМИЗДА

Ёки соғлом турмуш тарзига амал қилмаслик касалликларга сабаб бўлиши ҳақида

Статистик маълумотларга кўра, деярли ҳар икки аёлдан бирининг ҳаётида ҳеч бўлмаганда бир марта пешоб йўллари инфекцияси касаллиги учраб туради. Кўпинча цистит ёки пиелонефрит кўринишида кечади.

Қовуқда яллиғланишга сабабчи бўлган бактерияларнинг кўпи ичакларда яшайди. Аммо пешоб чиқариш канали ташқи тешигининг анатомик жиҳатдан қовуққа яқин жойлашуви туфайли бактериялар қовуқ ичига кириб, у ерда яллиғланишни келтириб чиқаради. Шу ўринда айтиш жоиз, қовуққа инфекция тушишига шамоллаш ёки шахсий гигиена қоидаларининг бузилиши сабаб бўлади.

Мазкур касалликнинг аломатлари кузатилганда суюқлик ичишни кўпайтириш зарур. Айниқса, морс ёки ўтлардан дамламалар тайёрлаб ичилса яна ҳам яхши бўлади. Суюқлик қанчалик кўп чиқиб кетса, бемор инфекциядан шунчалик тез фориғ бўлади.

Қовуқ соҳасида қуруқ иссиқдан фойдаланиш мумкин. Лекин шифокор билан албатта маслаҳатлашган маъқул. Дори воситаларини қабул қилишдан олдин ҳам уролог ёки терапевтга мурожаат қилиш талаб этилади. Даво учун препаратларнинг миқдори ва қўллаш тартибини шифокор белгилайди. Циститнинг аломатлари одатда, 2-3 кунда йўқолади, бутунлай соғайиш 5 кунда кузатилади.

Цистит вақтида даволнмаса пиелонефрит ривожланиши хавфи юзага келади. Бунда инфекция юқорига кўтарилиш йўли билан буйракларга тарқалади. Тана ҳароратининг кўтарилиши ҳамда бел соҳасидаги оғриқлар пиелонефритнинг ўзига хос белгилари ҳисобланади.

Бу ўринда дарҳол шифокорга мурожаат қилиш керак. Баъзан, ҳатто урология бўлимида даволаниш зарур бўлади.

Шу ўринда диққатингизни муҳим бир масалага қаратмоқчиман. Турли дори воситаларини ўз билганича қўллаш беморларнинг аҳволи янада оғирлашишига олиб келади.

Инсон танаси Оллоҳнинг марҳамати билан бенуқсон, мукаммал яратилган. Биз жуда кўп касалликларни пайдо бўлиши ва сурункали давом этишига ўзимиз сабабчи бўламиз. Энг аввало соғлом турмуш тарзига амал қилиш, тўғри овқатланиш, спорт билан шуғулланиш натижасида жуда кўп касалликларни бартараф этса бўлади. Унутманг, саломатлигимиз аввало ўз қўлимизда.

 

Собир БАБАТАЕВ,

1-Республика клиник шифохонасининг олий тоифали шифокор-урологи.


Фикр ва мулохазалар

Защита от автоматических сообщений

Сўнгги янгиликлар: