Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
04.06.2019

КОРРУПЦИЯГА ҚАРШИ ҚАНДАЙ ИШЛАР РЕЖАЛАШТИРИЛГАНИНИ БИЛАСИЗМИ?

Яқинда Президентимизнинг Ўзбекистон Республикасида коррупцияга қарши курашиш тизимини янада такомиллаштириш чора-тадбирлари тўғрисидаги фармони эълон қилинди. Унда коррупцияга қарши ислоҳотларни кучайтириш, аниқ чора-тадбирлар жорий этиш масалалари қамраб олинган.

Хусусан, 2019-2020 йилларда коррупцияга қарши курашиш давлат дастури ва ушбу йўналишдаги республика идоралараро комиссиянинг янгиланган таркибини тасдиқлаш кўрсатиб ўтилган. Шу билан бирга, давлат ҳокимияти ва бошқаруви органлари, жамоат бирлашмалари ҳамда бошқа ташкилотлар икки ой муддатда Давлат дастурининг ҳар бир банди бўйича мақсадларга эришишда самарадорлик кўрсаткичларини ишлаб чиқиб, Идоралараро комиссия билан келишиши белгиланган.

Бундан ташқари, Идоралараро комиссия икки ой муддатда коррупцияга қарши курашиш бўйича намунавий тадбирларнинг идоравий дастурини Олий Мажлис палаталарининг коррупцияга қарши курашиш ва суд-ҳуқуқ масалалари бўйича қўмиталарига муҳокама қилиш ҳамда келишиш учун киритади.

Фармондан келиб чиқиб, Қорақалпоғистон Республикаси Жўқорғи Кенгеси, вилоятлар ва Тошкент шаҳар халқ депутатлари Кенгашлари, туман ва шаҳар халқ депутатлари Кенгашларининг таркибида коррупцияга қарши курашиш комиссиялари ташкил этилади. Улар жойларда коррупцияга қарши курашиш соҳасидаги ишларнинг ҳолатини ўрганади. Муаммолар ва коррупциянинг ҳолати тўғрисидаги парламентдаги махсус қўмиталарга мунтазам равишда ахборот бериб боради. Шунингдек, соҳадаги фаолиятини такомиллаштириш юзасидан таклифлар киритади.

Яна бир муҳим масала. Фармонда суд ҳокимиятининг мустақиллигини мустаҳкамлаш, судьяларга ҳар қандай тарзда қонунга хилоф равишда таъсир ўтказиш шарт-шароитларини истисно этиш қайд этилган. Давлат хизматчиларини танлов асосида саралаб олиш, лавозимга тайинлаш ва юқори лавозимларга кўтаришнинг шаффоф тартибига асосланган давлат хизмати тизимини шакллантириш, улар учун чекловлар, тақиқлашлар, рағбатлантириш чоралари ҳамда коррупциянинг олдини олиш бошқа усулларининг аниқ рўйхати белгиланади. Бу эса давлат сиёсатининг устувор йўналишлардан саналади.

Давлат хизматчилари даромадларини декларация қилиш тизимини босқичма-босқич жорий этиш ва уларнинг иш ҳақи етарли даражада бўлишини таъминлаш, шунингдек, давлат хизматини ўташда манфаатлар тўқнашувини ҳал этишнинг ташкилий-ҳуқуқий асослари такомиллаштирилади.

Айтиш керакки, ушбу тизим қўшни давлатларда аллақачон жорий этилган. Масалан, интернетдаги маъхлумотларга кўра, Қирғизистонда 2017 йилнинг охирида йўлга қўйилган. 2018 йилдан давлат хизматчилари даромадларини декларация қилиб, солиқ идораларига тақдим этишни бошлаган. Манбаада айтилишича, ўтган йил якунлари бўйича 1,5 мингга яқин давлат хизматчиси декларация топширмаган, 4 мингдан зиёди эса нотўғри маълумот берган. Қирғизистон қонунчилигига кўра, даромадлар декларациясини топширмаган ёки нотўғри маълумот берган шахслар рўйхати оммавий ахборот воситаларида эълон қилинади ва жавобгарликка тортилади. Ўз хоҳиши билан декларация топширганларга эса солиқ камайтирилади. Бундан кўриниб турибдики, жорий этилаётган тизим мураккаб бўлиб, самарали, тўғри ишлаши учун вақт талаб этилади.

Президент фармонида коррупция билан боғлиқ ҳуқуқбузарликлар тўғрисида хабар берган шахсларни ҳимоя қилишнинг самарали ташкилий-ҳуқуқий усулдларини жорий этиш белгиланган.

Фуқаролик жамияти институтлари, оммавий ахборот воситалари фаолиятининг эркинлигини таъминлаш, коррупцияга қарши чоралар тайёрлаш, ўтказиш ва ижросини мониторинг қилишда уларнинг иштирок этишини йўл қўйиш зарур.

Идоравий коррупцияга қарши курашишнинг самарали дастурларини амалга ошириш ҳам устувор масалалардан саналади. Коррупцияга имкон яратаётган сабаблар ва шарт-шароитларни таг-томири билан йўқотиш давлат органлари ҳамда ташкилотлари раҳбарларининг биринчи даражадаги муҳим вазифаси ҳисобланади.

Тажриба тариқасида жорий йилнинг 1 августидан бошлаб жамоатчилик вакиллари, маҳаллий ва хорижий мутахассисларни жалб этган ҳолда капитал қурилиш ва олий таълим соҳаларида «Коррупциясиз соҳа» лойиҳаси амалга оширилади. 2020 йил 1 апрелдан бу лойиҳа бошқа соҳаларда ҳам босқичма-босқич жорий этилиши белгиланган.

 

«Ўзбекистон овози» мухбири

Зилола УБАЙДУЛЛАЕВА

тайёрлади.


Фикр ва мулохазалар

Защита от автоматических сообщений

Сўнгги янгиликлар: