28.05.2019

МАҲКУМЛАРГА БЕРИЛАЁТГАН ИМКОНИЯТЛАР

Адлия вазирлиги ҳамда мутасадди ташкилотлар ҳамкорлигида Тошкент вилояти, Бўка туманидаги жазони ижро этиш муассасасида «Жазони ўтаётган озодликдан маҳрум этилган шахсларнинг ҳуқуқлари, бу борада қонунчиликдаги сўнгги янгиликлар» мавзусида ҳуқуқий тарғибот тадбири ўтказилди.

Тошкент вилояти Адлия бошқармаси бошлиғи биринчи ўринбосари Абдуманноб Бўриев ва Тошкент давлат юридик университети меҳнат ҳуқуқи кафедраси ўқитувчиси Муҳаммадали Каримжонов маҳкумларнинг ҳуқуқлари, озодликка чиққанларидан сўнг улар учун яратилаётган шароитлар ва бу борадаги ҳуқуқий асослар ҳақида тўхталишди. Тадбир сўнггида маҳкумлар ўзларини қизиқтирган саволларга жавоб олишди.

— Бугунги тадбирдан кўзланган асосий мақсад, бу ерда жазо муддатини ўтаётган маҳкумларга уларнинг ҳуқуқлари яна бир бор тушунтирилди, сўнгги йилларда қонунчиликда қабул қилинган қўшимча ва ўзгаришлар ҳақида маьлумот берилди, — деди Абдуманноб Бўриев.

Бундан ташқари, 43-сонли манзил колонияси қошида қишлоқ хўжалигига асосланган «Алхажар Агро Нур» давлат унитар корхонаси ҳам фаолият кўрсатмоқда.

— Жазо муддатини ўтаётган маҳкумлар бу ерда бевосита қишлоқ хўжалиги ишларига жалб қилинади. Корхонамизда чорвачилик, йилқичилик, паррандачилик билан шуғулланишади. Шунингдек, давлатимиз захираси учун буғдой, ўзимизнинг чорвачилигимиз учун арпа, макка экинларини етиштирамиз. Энг муҳими маҳкумларда меҳнат кўникмаси ҳосил қилинмоқда, — дейди «Алхажар Агро Нур» ДУК раҳбари Обид Данаев.

— Бугунги тадбирдан ўзимга керакли хулосалар чиқардим. Ҳуқуқий маданият, ҳуқуқларимиз тўғрисида кўп маълумотларга эга бўлдим. Тадбиркорларга яратилаётган қулайлик ва имкониятларни эшитиб, руҳландим. Озодликка чиққач, кўп сармоя талаб этмайдиган тикув цехи очиш режам бор. Бу режани амалга оширишда маблағим етарли бўлмагани учун кредит олмоқчиман. Ниятим ёшларни иш билан таъминлаш ва юртимиз тараққиётига муносиб ҳисса қўшиш, — деди манзил калониясида жазо муддатини ўтаётган Ботир Абдувоҳид ўғли Атабоев.

 

Оламгир АБДИЕВ,

Ўз ЖОКУ талабаси.


Фикр ва мулохазалар

Защита от автоматических сообщений

Сўнгги янгиликлар: