30.04.2019

ЖИНОЯТ СОДИР БЎЛДИ!..

Мастлик оқибатида бир-бирини пичоқлади

2019 йил 25 апрель куни Тошкент вилоятининг Ўрта Чирчиқ тумани, Ўртасарой кўчасида яшовчи М.А. ва Юқори Чирчиқ тумани Суракент қўрғонида яшовчи Н.Т. Мустақиллик маҳалласида маст ҳолда ўзаро жанжаллашиб, бир-бирига пичоқ билан тан жароҳати етказган. Натижада улар касалхонага ётқизилган. Ҳолат юзасидан жиноят иши қўзғатилиб, тергов ҳаракатлари олиб борилмоқда.

 

Фирибгарлар

2019 йил 25 апрель куни Тошкент шаҳрининг Сергели туман ИИБга келган хабарга кўра, Спутник даҳасида яшовчи, «Bama Biznes» корхонаси раҳбари Х.Э. ва Қашқадарё вилояти Китоб туманида яшовчи Ж.Х. Яшнобод туманида яшовчи Л.Ҳ. исмли аёлга «Bama Biznes» МЧЖ томонидан қурилаётган кўп қаватли уйлардан уч хонали квартира олиб беришини айтиб, алдов йўли билан ундан 12 000 АҚШ долларини олишган. Аммо пулларни ўз эҳтиёжлари йўлида ишлатиб юборишган. Ҳолат юзасидан жиноят иши қўзғатилиб, фирибгарлар ушланган. Тергов ҳаракатлари олиб борилмоқда.

 

52 500 АҚШ доллари...

2018 йил 19 декабрь куни Тошкент вилояти Юқори Чирчиқ туманида яшовчи А.Т. Юнусобод туманида яшовчи А.П.га ҳамкорликда гуруч савдоси билан шуғулланишни таклиф этиб, ундан 52 500 АҚШ долларини олиб, ваъдасини бажармай пулларни ўз эҳтиёжлари йўлида ишлатиб юборганлиги аниқланган. А.Т. қўлга олинди.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

 

Босқинчилик оғир жиноят

2019 йил 26 апрель куни Янгийўл шаҳар, Файзли маҳалласида яшовчи Х.Ғ. исмли аёлнинг уйига номаълум шахс дераза орқали кириб, уни ўлдириш билан қўрқитиб, уйидан 218.000 сўм пули, 3 турдаги заргарлик буюмлари ва «iPhone» мобиль телефонини олиб, воқеа жойидан яширинган.

Кўрилган чора-тадбирлар натижасида ушбу жиноятни Янгийўл шаҳар, Туркистон маҳалласида яшовчи фуқаро Т.Ю. содир этганлиги аниқланиб, ушланган.

Ҳолат юзасидан жиноят иши қўзғатилиб, тергов ҳаракатлари олиб борилмоқда.

 

Талончилар

2019 йил 26 апрель куни 2 номаълум шахс Тошкент шаҳри, Юнусобод туманининг 18-даҳасида куч ишлатиш йўли орқали Ш.Н. исмли қизнинг «iPhone» ва «Redmi» русумли мобиль телефонларини олиб, воқеа жойидан яширинган.

Тезкор кўрилган чоралар натижасида ушбу жиноятни Сергели тумани, Нилуфар кўчасида яшовчи О.Ж. ва Шайхонтоҳур тумани, Ипакчи кўчасида яшовчи Ф.Б. содир этганлиги аниқланиб, улар қўлга олинди. Ҳолат юзасидан жиноят иши қўзғатилиб, тергов ҳаракатлари олиб борилмоқда.

 

Ҳайдовчи бошқарувни эплай олмади...

Хоразм вилояти, Хива туманида яшовчи М.А. 2019 йил 27 апрель куни бошқарувидаги «Nexia» русумли автомашинасини Бухоро вилоятининг Ромитан туманидаги автомагистрал йўлида ҳайдаб кетаётиб, бошқарувни эплай олмаслиги оқибатида автомашина йўл четига чиқиб, ағдарилиб кетган.

Натижада ҳайдовчи жароҳат олиб, воқеа жойида, унинг йўловчиси, Андижон тумани Кенгаш маҳалласида яшаган Х.И. исмли аёл касалхонада вафот этган. Автомашинада бўлган яна 2 нафар йўловчига шифохонада тиббий ёрдам кўрсатилган. Ҳолат юзасидан жиноят иши қўзғатилиб, тергов ҳаракатлари олиб борилмоқда.

 

Нилуфар ТЎРАХОНОВА,

Ўзбекистон Республикаси ИИВ

Жамоатчилик ва оммавий ахборот воситалари билан алоқалар бошқармаси катта инспектори, лейтенант.



DB query error.
Please try later.