Охирги сонда



Кўп ўқилган мақолалар



Долзарб мавзу



Мақолалар архиви

«    May 2019   
Du Se Cho Pa Ju Sha Ya
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
23.04.2019

САЙЁР СУД МАЖЛИСИДА ЖАЗОДАН ОЗОД ЭТИЛГАНЛАР УЙИГА ҚАЙТАДИГАН БЎЛДИ

Андижон вилоятида ҳам жиноятчилик ва ҳуқуқбузарликлар профилактикаси билан боғлиқ турли тадбирлар ўтказилмоқда. Аҳоли ўртасида кенг кўламли тушунтириш ишлари олиб бориляпти, илгари очилмай қолган жиноятлар фош этиляпти. Айбдорлар иши жамоатчилик кўз ўнгида сайёр суд мажлисларида кўриляпти.

Жиноят ишлари бўйича Андижон шаҳар суди суд мажлисларини сайёр тартибда ўтказишга эътибор қаратяпти.

Андижон юридик коллежида бўлиб ўтган сайёр суд мажлисида Камола Нурматованинг жиноят иши ҳам кўрилди.

— Кичкина чақалоғим билан бошпанасиз, ёрдамсиз қолганман, — дейди у. — Ҳар хил ишларни қилганман. Авиакассада ишлаганман, официантлик қилганман. Ўша вақтда ижарада бирга яшайдиган дугонамни бир эркак билан таништириб қўйганман. У қиз пул учун танасини сотиб юрган экан. Орадан вақт ўтиб, эркаклардан бири уни уради. Шунда ички ишлар идоралари ходимларига мен уларни таништирганимни айтади. Текширув давомида мен таништирган эркак билан ёзишмаларим чиқди. Одам савдоси, деб айблашди. Ёш болам борлиги инобатга олиниб, 3 йилу 2 ойга қамалдим. Бир йилу 2 ойда шартли равишда жазога тортилдим. Мана, бугун кечиришди. Бундан кейин тўғри йўлдан адашмасликка ваъда бераман. Қамоқда бир кун эмас, бир соатнинг ўтиши машаққат.

Кенг жамоатчилик иштирокидаги сайёр судда бир гуруҳ шахсларнинг қилмишлари атрофлича кўриб чиқилди. Албатта, жиноятга жазо муқаррар. Суд мажлисида судланувчиларнинг чин дилдан пушаймонлиги, оилавий шароити, ёши саломатлиги инобатга олинди.

 

Суд мажлисида Ўзбекистон Республикаси ЖКнинг 266-моддаси 1-қисмида назарда тутилган жиноятни содир этганликда айбланган Муроджон Мўминжонов, Дилшодбек Бозорбоев, Улуғбек Далимовга оид жиноят ишлари кўриб чиқилди, тарафлар ўзаро ярашиб олганлиги сабабли, улар жавобгарликдан озод қилиниб, жиноят ишлари ҳаракатдан тўхтатилди. Судья А.Исаков маҳкумлар Камолахон Нурматова, Шухрат Тургунов, Хуршидбек Жумабоев, Нодирбек Асқаров, Гулчеҳрахон Фозилова ва Маҳфуза Орзибоевани суд томонидан тайинланган жазолардан Ўзбекистон Республикаси ЖКнинг 73-моддасига асосан шартли озод қилиш ҳақидаги тақдимномаларни кўриб чиқди ва маҳкумларни жазолардан озод қилди.

 

Маълумотга кўра, жиноят ишлари бўйича Андижон вилоят суди жорий йилнинг биринчи 3 ойлигида идорада 16 та мурожаат, сайёр қабул вақтида эса 30 га яқин мурожаат қабул қилган.

 

Зилола УБАЙДУЛЛАЕВА,

«Ўзбекистон овози» мухбири.



DB query error.
Please try later.