16.04.2019

«ХОТИРЖАМЛИК ЯРИМ СОҒЛИҚДИР»

1-Республика клиник шифохонаси бош шифокори, тиббиёт фанлари номзоди Анвар Ҳусановнинг ҳаётий маслаҳатлари:

— Биринчи тавсия. Агар соғлиғингизни асрашни истасангиз, кўпроқ кулинг. Жумладан, кулги иммунитетни ошириш ва қондаги шакар миқдорини камайтиришга имкон беради. Тадқиқотлардан бирида қанд касалига эга беморларда қондаги шакар миқдори комедик фильмлар томоша қилгандан кейин пасайган. Шунингдек, кулги оғриқни қолдирувчи восита сифатида таъсир қилади.

Бундан ташқари, кулги респиратор касалликлар вақтида ижобий самара беради. Кулиш вақтида нафас олиш узунроқ, нафас чиқариш эса қисқароқ, бироқ жадалроқ бўлади. Бу эса ўзига хос нафас гимнастикаси ҳисобланади. Шунингдек, кулги юрак уриши частотасини камайтиради, томирларни кенгайтиради (гипертониклар учун фойдали), иммуноглобулин ишлаб чиқилишини оширади, бу эса иммунитетга ижобий таъсир кўрсатади.

— Иккинчи тавсия. Турмуш тарзимизда жисмоний фаолликнинг етишмаслиги ёки умуман мавжуд эмаслиги, шу жумладан, бир жойда узоқ вақт ўтириш саратон ва қандли диабетдан тортиб, юрак қон-томирлари касалликлари, жигарнинг алкоголь билан боғлиқ бўлмаган ўнлаб сурункали касалликлари ривожланиши хавфини оширади. Эргономика мутахассислари огоҳлантиради: бир жойда жуда узоқ вақт туриш керак эмас, чунки бу соғлиққа салбий таъсир қилади, вена томирларининг варикоз кенгайиши, бел ва оёқдаги оғриқлар, уйқу артерияси касалликлари хавфини орттиради.

Офисда ишлаш вақтида ҳар ярим соатда 20 дақиқа ўтириш, саккиз дақиқа туриш, қолган вақтда эса юриш ва чўзилиш машқларини бажариш лозим, дея тавсия қилади олимлар. Агар 10 дақиқадан кўпроқ турилса, одам букчайишни бошлайди, бу эса бел ва таянч-ҳаракат аъзолари билан боғлиқ муаммоларга сабаб бўлади.

Шундай экан, кун давомида фақат ўтириш ва туриш бирдек ёмон ва кун давомида фаолиятлар турини ўзгартиришимиз соғлиқимиз учун фойдали бўлади.

— Учинчи тавсия. Бу хотиржамликдир. Ортиқча асабийлашмаслик, ўринсиз ўй ва ташвишлар гирдобида қолиш инсон саломатлигига салбий таъсир кўрсатади. Хотиржамлик, хушкайфият, тўғри дам олиш, турли иллатлар ёки ҳаётимизда юз берган кўнгилсизликлар ҳақида эсламаслик, иложи бўлса, хотирадан ўчирган маъқул.

— Тўртинчи тавсия. Соғлом турмуш тарзига амал қилиш, тўғри овқатланиш ҳам инсон саломатлигида муҳим ўрин эгаллайди. Овқатланиш меъёри ёки ёшга қараб овқатланиш талабларига амал қилиш инсон саломатлигининг бош омилларидан бири ҳисобланади...


Фикр ва мулохазалар

Защита от автоматических сообщений

Сўнгги янгиликлар: