16.04.2019

МАРКАЗДА ЯНГИ БЎЛИМ ОЧИЛДИ

Самарқанд вилоят ногиронларни реабилитация қилиш марказида гериатрия бўлими ташкил этилди.

Ҳар йили Самарқанд вилоят ногиронларни реабилитация қилиш марказида даволанаман, – дейди Бахтиёр Файзиев. Янги очилган бўлим айнан 60 ёшдан ошганларга, айниқса, шу ёшдаги ногиронлиги бўлган инсонларга хизмат кўрсатар экан. Шарт-шароитларнинг юқори даражадалиги, шифокорларнинг самимийлиги, ширинсуханлиги менга жуда ҳам маъқул.

Марказдаги ҳар бир палата тоза-озода. Бемор учун ҳамма шароит муҳайё. Навбатчи ва даволовчи врач ҳар кун эрталабданоқ бемор ҳолидан хабар олади. Ҳамширалар эса беморлардан асло узоқлашмайди. Муолажаларнинг палатанинг ўзида амалга оширилиши хаста одам учун қанчалик қулай эканлигини тасуввур қилаверинг. Физиотерапия муолажалари, массаж ногиронлиги бўлган кишилар учун фақат фойда бераётганлигини бу ерда даволанаётган ҳар бир бемордан эшитасиз.

Марказда яқинда очилган 10 ўринлик гериатрия бўлими хоналари шинам, энг керакли жиҳозлар мавжуд. Ошхонадан тортиб, ҳаммомгача бор. Ҳатто энг сўнгги русумдаги телевизор ҳам ишлаб турибди.

– БМТ маълумотларига қараганда, 60 ёшдан ошганлар сони кейинги 50 йилда уч бараварга кўпайган, – дейди бўлим мудири Нилуфар Жабборова. – Бизнинг мамлакатимиздаги кўрсаткич ҳам бундан паст эмас. Демак, бутун дунёда, жумладан, мамлакатимизда инсон умри узаймоқда. Инсон ёши улғаявергач, турли хасталикларга чалиниш хавфи бўлади. Марказимизда янги бўлимнинг ташкил этилишидан мақсад 60 ёшдан ошганларга тиббий хизмат кўрсатиш, уларда учраб турадиган атеросклероз, артериал гипертония, юрак ишемияси дарди, қандли диабет каби касалликларнинг олдини олишга қаратилган.

 

Абдурасул САТТОРОВ.


Фикр ва мулохазалар

Защита от автоматических сообщений

Сўнгги янгиликлар: