Охирги сонда



Кўп ўқилган мақолалар



Долзарб мавзу



Мақолалар архиви

«    May 2019   
Du Se Cho Pa Ju Sha Ya
29 30 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2
16.04.2019

«БЎЛАЖАК ДЕПУТАТ» ТАНЛОВИ ЎТКАЗИЛДИ

Жорий йил Олий Мажлис Қонунчилик палатаси ҳамда халқ депутатлари вилоят, туман (шаҳар) Кенгашлари депутатлигига сайлов бўлиши муносабати билан мазкур кўрик-танлов илк маротаба ташкил этилди. Бўлажак сайловларда партиядан муносиб номзодларни илгари суриш, ёш депутатлар сафини кенгайтириш, жамиятдаги муаммоларни ўрганиш, уларга ечим топишда ёшлар позициясини мустаҳкамлаш муҳим аҳамият касб этади. Шунинг учун танлов иштирокчилари партия электоратини ўйлантираётган муаммоларни аниқлаш, жумладан, пенсионерлар, ногиронлиги бўлган шахсларнинг талаб ва эҳтиёжларини ўрганиш масалаларига алоҳида эътибор қаратди.

Кўрик-танловнинг ҳудудий ҳамда саралаш босқичларида жами 200 нафардан зиёд иштирокчи қатнашган бўлса, шулардан сараланган 20 нафари вилоят босқичида ғолиблик учун курашди.

3 та шарт асосида иштирокчиларнинг билим ва кўникмалари синовдан ўтказилди. Танловнинг биринчи шарти «Сайловолди ташвиқоти» деб номланиб, унда ёшлар бўлажак депутатликка номзод сифатида ўз ҳудудидаги ижтимоий-иқтисодий вазиятни аниқлаш, сайловчиларнинг ишончини қозониш ҳамда сайловолди дастурини шакллантириш масалаларига эътибор қаратди.

«Билимдон депутат» шартида ҳуқуқий мавзуда қизиқарли савол-жавоб бўлиб ўтди.

Сўнгги шарт «Муаммоли вазият» бўлиб, мазкур шартда иштирокчилар турли хил вазиятлардаги муаммолар ечими бўйича фикр-мулоҳазаларини билдиришди.

Тақдирлаш маросимида Ўзбекистон ХДП Фарғона вилоят кенгаши раиси, халқ депутатлари вилоят Кенгаши депутати Дилбархон Мамаджанова танлов иштирокчиларига омад тилади, партия уларни ҳар доим қўллаб-қувватлашга тайёр эканини билдирди.

Якуний натижаларга кўра, Муқимий номидаги Қўқон давлат педагогика институти қошидаги Риштон туман академик лицейи ўқитувчиси Бахтиёр Тўйчиев ғолиб, деб топилди. Мухлиса Орифжонова иккинчи ва Санобар Ирисматова эса учинчи ўрин соҳиби бўлди. Иштирокчиларга партиянинг эсдалик совғалари ва бўлажак сайловларда партиядан ўз номзодларини қўйишлари учун махсус сертификатлар топширилди.

 

Умрбек БЕКТЕМИРОВ,

Ўзбекистон ХДП Марказий Кенгаши сектор мудири.



DB query error.
Please try later.