26.03.2019

ОСТОНА ШАҲРИНИНГ НОМИ ЎЗГАРДИ

Қозоғистон Президенти матбуот хизмати хабар беришича янги давлат раҳбари Қосим-Жўмарт Тўқаев мамлакат пойтахти Остонани Нур-Султон дея қайта номлаш тўғрисида фармон имзолади. Унга кўра, Қозоғистон Республикаси пойтахти Остона шаҳри — Қозоғистон Республикаси пойтахти Нур-Султон, дея қайта номланиши белгиланган. Фармон эълон қилинганидан бошлаб кучга кирган. Президент шу куннинг ўзидаёқ мамлакат Конституциясига ўзгартириш киритиш ҳақидаги қонунга ҳам имзо чеккан.

Остона номини мамлакатнинг биринчи президенти Нурсултон Назарбоев шарафига қайта номлаш ташаббуси 20 март куни янги президент Тўқаев томонидан билдирилганди. У биринчи президент номини абадийлаштириш мақсадида шаҳарлардаги марказий кўчаларга ҳам Нурсултон Назарбоев номини беришни таклиф қилган. Парламент ўша куни қўшма йиғилишда мамлакат конституциясига тегишли ўзгартиришларни қабул қилди.

19 март куни Қозоғистоннинг биринчи Президенти Нурсултон Назарбоев ўз ваколатларини топширишини маълум қилди. Конституцияга кўра, президентлик лавозими Сенат спикери Қосим-Жўмарт Тўқаевга ўтди, 20 март куни у давлат раҳбари сифатида ишга киришди. Тўқаев 2020 йилнинг апрелигача, яъни кейинги президентлик сайловигача давлатни бошқаради. 20 март куни Тўқаевнинг ўрнига Нурсултон Назарбоевнинг қизи Дариға Назарбоева Сенат раиси этиб сайланди.

 

Интернетдаги хабарлар асосида тайёрланди.


Фикр ва мулохазалар

Защита от автоматических сообщений

Сўнгги янгиликлар: