Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
19.03.2019

БУЮК ИПАК ЙЎЛИДАГИ ҲАМКОРЛИК

ЎзбекистонХитой халқларининг ҳамкорлик алоқалари бир неча минг йилликларга бориб тақалади. Бу икки халқ азалдан ўзаро маданий, маърифий, илмий соҳаларда ҳамкорлик қилиб келган ва шу фаолият туфайли бир-бирининг маданиятини бойитган.

ЎзбекистонХитой стратегик шериклик алоқалари икки мамлакат миллий манфаати, ижтимоий-иқтисодий тараққиёти, жаҳондаги нуфузи юксалишига хизмат қилади ва ўзаро дўстлик, мустаҳкам ишончга асосланган ҳамкорлик негизида тараққий этмоқда.

Хитой Халқ Республикаси Ўзбекистон иқтисодиётини модернизация ва диверсификация қилиш бўйича дастурларни амалга ошириш, рақобатбардош маҳсулотлар ишлаб чиқаришни кенгайтириш ва саноатнинг экспорт салоҳиятини юксалтиришда фаол иштирок этмоқда. ХХРнинг етакчи саноат компаниялари билан узоқ муддатли ва ўзаро манфаатли алоқаларни, биринчи навбатда, юқори технологияга асосланган тармоқларни ривожлантиришга алоҳида эътибор қаратилмоқда.

Икки халқ ўртасида ўзаро маданий-маърифий, илмий соҳаларни ривожлантиришда элчиларнинг фаолияти, айниқса, аҳамиятлидир. Шу йилнинг 12 март куни Самарқанд давлат университетига Хитой Халқ Республикасининг Ўзбекистондаги Фавқулодда ва мухтор элчиси Цзян Янь хоним ташриф буюрди. Университет ректори ва элчи хоним ўртасида ўзаро самимий суҳбат бўлиб ўтди. Цзян Янь хоним Хитой Халқ Республикасининг иқтисодий-ижтимоий ва маданий-гуманитар соҳалардаги ривожланиш мезонлари ҳақида ўз фикр-мулоҳазаларини билдирди.

Ҳозирга қадар Самарқанд давлат университети ва Сиан Жиаотонг, Сиань Шенси педагогика университетлари ва Шанхай университети ўртасида икки томонлама ҳамкорлик меморандуми имзоланган бўлиб, шартнома доирасида талабалар алмашинуви фаол йўлга қўйилган.

Самарқанд Давлат университети қошида тузиладиган Халқаро таълим дастурлари маркази доирасида Хитойнинг бир қатор университетлари қатнашиши кўзда тутилмоқда. Марказ қошида Хитой маданияти ва тил марказлари, замонавий компьютер синфлари ва бой илмий салоҳиятга эга кутубхона фаолият олиб боради.

Мулоқот давомида икки мамлакат фан-техника муассасалари ўртасида илмий ҳамкорлик, олий ўқув юртлари орасида талабалар алмашинувини фаол йўлга қўйиш ва бошқа бир қатор масалалар муҳокама этилди.



Фикр ва мулохазалар

Защита от автоматических сообщений

Сўнгги янгиликлар: