12.03.2019

«МЎЙНОҚЛИК ЭКАНИМДАН ФАХРЛАНАМАН»

Сапура ҚАЙПНАЗАРОВА, Қорақалпоқ давлат университетининг Жисмоний маданият факультети 3-босқич талабаси, Зулфия номидаги давлат мукофоти совриндори:

— Президентимизнинг ўтган йили Қорақалпоғистонга ташрифи чоғида Мўйноқ тумани аҳолиси билан ўтказган учрашувида мен ҳам иштирок этгандим. Суҳбат давомида Мўйноқ туманидан ҳам Зулфия издошлари чиқишини исташини айтган эди. 8 март — Халқаро хотин-қизлар байрами арафасида давлатимиз раҳбарининг қўлидан Зулфия номидаги давлат мукофотини олиш бахти насиб этди.

Мен спортнинг қўл жанги тури бўйича Осиё чемпионатларида иштирок этиб келяпман. Давлатимиз байроғини баландларга кўтаришда ушбу мукофот менга улкан куч-қувват бағишлайди. Келгусида спортни ривожлантиришга, шогирдлар тайёрлашга, туманимизда соғлом турмуш тарзини тарғиб қилиб, Зулфиячи қизлар сони ортишига ҳиссамни қўшишга ҳаракат қиламан.

Ютуқларимдан яна бири — ўтган йили Ўзбекистон ХДП ўтказган «Ёш сиёсатчи» кўрик-танловида «Келажак бунёдкори» номинациясини қўлга киритган эдим. Шунингдек, 2017 йили «Ўлкама келинг» шеърий тўпламим нашрдан чиқди. Келгусида спорт билан бирга ижодимни ҳам давом эттираман.

Оддий бир қишлоқ қизига давлат раҳбарининг эътибори, ғамхўрлигидан бошим осмонга етди. Умрим давомида ушбу эҳтиромдан руҳланиб яшайман. Ўша ондаги таассуротларим, ҳаяжон ҳали узоқ вақт қалбимни тўлқинлантиради, янги-янги маралар сари чорлайверади.


Фикр ва мулохазалар

Защита от автоматических сообщений

Сўнгги янгиликлар: