Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
05.03.2019

УСТОЗ ХОТИРАСИ

«Таниқли адабиётшунос олим, филология фанлари номзоди Омонулла Мадаев 2 март куни 76 ёшида вафот этди».

Бу қайғули хабар устознинг кўплаб ҳамкасблари, шогирдлари, дўстлари қаторида таҳририятимиз жамоасини ҳам қаттиқ ларзага солди. Омонулла Мадаев газетамизнинг фаол муаллифларидан бўлиб, унинг қатор мақолалари жамоатчилик томонидан эътироф этилган эди. Айниқса, газетамизнинг 2017 йил 5 октябрь сонида эълон қилинган «Она тили ҳар бир халқ учун муқаддасдир» мақоласи ижодкорлар, тилшунослар ўртасида қизғин муҳокама этилиб, қўллаб-қувватланганди.

Бундан икки ҳафта илгари устоз шифохонада даволанаётган бўлса-да, таҳририятимизга қўнғироқ қилиб, Озод Шарафиддинов хотирасига бағишланган «Миллатпарвар олим» сарлавҳали мақоласини юборган эди. Мақола газетамизнинг 2019 йил 19 февраль сонида чоп этилгач, эрталаб хурсанд бўлиб, қўнғироқ қилиб, миннатдорлигини билдирганди. Бу унинг ҳаётлигидаги сўнгги мақоласи бўлди.

Узоқ йиллар давомида педагогика, фольклоршунослик, тилшунослик ва журналистика соҳасида фидойилик кўрсатиб меҳнат қилган олим кўплаб ижтимоий муаммоларга жамоатчилик эътиборини қаратиб келди. Айниқса, таълим соҳасидаги камчиликлар ҳақида очиқ ва аччиқ гапларни айтарди. Шунингдек, у халқ оғзаки ижоди, адабиётшунослик ва педагогикага оид қатор дарсликлар яратган эди. Унинг таржимаи ҳолига назар солсангиз, бутун умрини илм-фанга бағишлаганига гувоҳ бўласиз. У 1964 йил Тошкент давлат университетининг филология факультетини тамомлаган. 1958 йил Тошкент шаҳар 1- сонли мактаб-интернат ўқитувчиси, 1964 йил Тошкент шаҳар 82-сонли ўрта мактаб ўқитувчиси бўлиб меҳнат қилган. 1966 йилдан ТошДУ (ҳозирги Ўзбекистон Миллий университети) Ўзбек мумтоз адабиёти кафедрасида узоқ йиллар давомида дарс берди. Маълум вақт журналистика факультети декани лавозимида ҳам фаолият юритган.

Омонулла Мадаев ҳақиқий олим, тил ва адабиёт, матбуот жонкуяри, бағрикенг устоз, ҳалол, ватанпарвар инсон сифатида хотирамизда абадий қолади.

 

«Ўзбекистон овози» газетаси

таҳририяти жамоаси



DB query error.
Please try later.