Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
29.01.2019

1000 АҚШ ДОЛЛАРИГА «БАҲОЛАНГАН» ГЎДАК

Ҳаёт инсонга бир маротаба берилади. Уни гўзал ва файзли қилиб ўтказиш ҳам, жаҳолат ботқоғига ботиб, издан чиқариш ҳам ўз қўлимизда. Гўзаллик ва эзгулик тимсоли саналмиш аёл ўз фаҳми фаросати, ибоси, ҳаёси билан ҳурматга, эҳтиромга сазовор. Умрнинг узунлиги, бағри бутунлик, қавму қариндошлар ўртасидаги меҳр-оқибат ришталарининг мустаҳкамлиги ҳам кўп жиҳатдан аёлнинг оқилалигига боғлиқдир.

Балки шунинг учун ҳам миллатимизда аёл алоҳида улуғланиб, унинг қўлларига гуллар тутилар. Ҳақиқатан ҳам аёл қўлларига бешик, фарзанд, гул, зеби-зийнат ярашади.

Оғир уруш йилларида момоларимиз ўзларини эрдай тутиб, фронт ортида меҳнат қилганлар, йўқ имкониятларни топиб мўл ҳосил етиштирганлар. Ҳаётдан нолимаганлар, бошларини чангалламаганлар. Турмуш ўртоқлари, фарзандларининг, жигарларининг бедарак йўқолганлиги ҳақидаги совуқ хабарларни матонат билан қабул қилганлар. Урушдан кейинги очарчилик йилларида ҳам болаларини ҳалол ризқ билан парвариш қилиш ниятида кечаю кундуз тиним билмаганлар. Бугун улар билан суҳбатлашсангиз, ҳозирги фаровон турмушни ёшликларида тасаввур ҳам қилишмаганликларини қайта-қайта таъкидлаб, шу кунларга етказганига шукроналик билдирадилар.

Аммо айрим юртдошларимиз бугунги куннинг қадрига етмаяпти, ношукурлик қилиб, гуноҳга ботмоқда, ҳатто жиноятга қўл урмоқда.

Судланувчи Наргиза Қосимова (исм-фамилия ўзгартирилган) асли хоразмлик. У 2017 йил бир йигит билан турмуш қуради. Оилада ўғил фарзанд туғилади. Оилавий муаммолар сабаб, Наргиза Қосимова турмуш ўртоғи билан Тошкент шаҳрига кўчиб келиб, ижарада яшай бошлашди. 2018 йилнинг октябрь ойида Наргиза «Қўйлиқ деҳқон бозори»даги ошхонада Лола исмли аёл билан танишади. Кунларнинг бирида Наргиза ҳалиги аёлга телефон қилиб, ёрдам беришини сўрайди. Улар холи жойда учрашишади.

— Нима гап? — сўрайди Лола.

— Қийналиб қолдим, — оҳиста сўзлайди Наргиза. — Ўғил фарзандим бор. Чел элга кетмоқчиман. Тўғриси, шу боламни сотмоқчиман.

— Қанча сўрайсиз, — деди Лола.

— 2000 АҚШ доллари берсангиз бўлади.

Улар узоқ «савдолашганларидан» кейин гўдакнинг нархи 1000 АҚШ долларига «баҳоланди».

— Наргизахон, — деди Лола атрофга қараб, — болангизни сотганлигингиз ҳақида тилхат ёзиб берасиз. Уйдагиларга кўрсатишим керак. Кейин йиртиб ташлайман.

Табиийки, Наргиза рози бўлади.

2018 йил 22 октябрь куни Наргиза Қосимова фарзанди эвазига 1000 АҚШ долларини олган вақтида Бош прокуратура ҳузуридаги Иқтисодий жиноятларга қарши курашиш департаментининг Яшнобод туман бўлими ходимлари томонидан қўлга олинди ва унга нисбатан жиноий иш қўзғатилди.

Суд судланувчи Наргиза Қосимовага жазо тайинлашда унинг айбига тўлиқ иқрорлигини, қилган ишидан пушаймонлигини, муқаддам судланмаганлиги ва бошқа жиҳатларни эътиборга олди.

Бу ўрнида бир аёлнинг жазога тортилиши эмас, балки нега шундай қабиқ ишга қўл ургани кишини ўйга толдиради. Бунга сабаб моддий қийинчиликми? Йўқ, албатта. Боласини собиқ эри, қариндошларида ҳам қолдирса бўларди. Назаримда, гап моддий масалада эмас, маънавий ожизликда. Маънавий хасталик сабаби янада чуқурроқ ўйлашни талаб этади.

 

Аброр САИДОВ,

Жиноят ишлари бўйича Тошкент шаҳар Яшнобод туман судининг раиси.


Фикр ва мулохазалар

Защита от автоматических сообщений

Сўнгги янгиликлар: