Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
22.01.2019

«ТЕМУР ТУЗУКЛАРИ» САБОҚЛАРИ

Ўзбекистон Республикаси ИИВ Ёнғин хавфсизлиги институтида Ёшлар иттифоқи Марказий кенгаши ҳамкорлигида «Олий ҳарбий таълим муассасалари тингловчи ва курсантларида ватанпарварлик туйғуларини мустаҳкамлашда «Темур тузуклари»нинг аҳамияти» мавзусида илмий-амалий анжуман бўлиб ўтди.

Тадбирда Ички ишлар вазирлиги, Қуролли Кучлар академиялари, Давлат хавфсизлик хизмати, Миллий гвардия ҳарбий-техника, Божхона институтлари, Чирчиқ олий танк қўмондонлик-муҳандислик билим юрти, Тошкент ахборот технологиялари университетининг Махсус факультети, Тошкент Тиббиёт академияси ҳузуридаги Ҳарбий-тиббиёт факультети, Ёнғин хавфсизлиги институтининг курсантлари ва тингловчилари, ИИВнинг Тошкент шаҳри ва Тошкент вилоятидаги академик лицейлари ҳамда Тошкент шаҳридаги «Темурбеклар мактаби» ўқувчилари иштирок этди.

Анжуманда сўзга чиққан Қатағон қурбонлари хотираси давлат музейи директори, профессор Бахтиёр Ҳасанов, Темурийлар тарихи давлат музейи директори, Халқаро Амир Темур хайрия жамоат фонди раиси Хуршид Файзиев, Амир Темур илмий экспедицияси раҳбари Фахриддинхўжа Ашрафхўжаев, Ўзбекистон ёшлар иттифоқи Марказий Кенгаши раисининг биринчи ўринбосари А.Саъдуллаев ва бошқалар «Темур тузуклари«нинг тарбиявий ва маърифий аҳамияти ҳақида фикр юритди.

Ўзбекистон Республикаси Президенти, Қуролли Кучлар Олий Бош Қўмондони Шавкат Мирзиёев таъкидлаганидек, Соҳибқироннинг давлат бошқаруви борасидаги улкан салоҳияти, маҳорати, билим ва тажрибаларини ўрганишда, умуман айтганда, ҳаёт сирларини англаб етишда «Темур тузуклари» бебаҳо қўлланма бўлиб хизмат қилади.

Тадбирда Ўзбекистон халқ артисти Теша Мўминов Амир Темур ҳаёти ва фаолиятига бағишланган саҳна асарларидан монологлар ижро этди.

Анжуман якунида таълим муассасаларида Ўзбекистон тарихи ва «Темур тузуклари«ни ўрганиш тизимини такомиллаштиришга оид тавсиялар билдирилди.

Тадбир доирасида Ёнғин хавфсизлиги институтининг иқтидорли курсантлари томонидан яратилган ихтиро ва инновацион ишланмалар, Ёнғин ўчириш амалий спорти намойиши ҳамда китоб ярмаркаси ташкил этилди.

 

Фарҳоджон ХОЖАЕВ,

ИИВ Ёнғин хавфсизлиги институти ўқитувчиси, капитан.


Фикр ва мулохазалар

Защита от автоматических сообщений

Сўнгги янгиликлар: