Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
15.01.2019

КИТОБ ТИББИЁТИДА ЯНГИ ДАВР БОШЛАНДИ

2018 йилнинг сентябрь ойида Соғлиқни сақлаш вазири Алишер Шодмонов тиббиёт соҳасидаги ислоҳотларга бағишлаб Китоб туманида ўтказилган анжуманда қатнашган эди. Вазир камчиликларни ўрганиш, таҳлил қилиш, муаммоларни бартараф этиш мақсадида тоғ қишлоқларига борган, тиббиёт муассасалари иши билан танишган, одамларнинг фикрини эшитган эди.

Орадан ўтган қисқа вақт ичида Китоб тумани ҳудудида жойлашган 2-вилоят сил касалликлар шифохонаси таъмирланди, замонавий ускуналар келтирилди. Китоб туман тиббиёт бирлашмаси таркибидаги шифо масканларида ҳам катта ўзгаришлар юз берди. Марказий шифохона, кўп тармоқли поликлиника, Тез тиббий ёрдам бўлими бинолари таъмирдан чиқарилди. Ҳомийлар кўмагида 6 оилавий поликлиника бинолари янгиланди. Битта оилавий поликлиника қурилди. 5 тиббиёт муассасасининг шароити тубдан яхшиланди.

Китоб туман тиббиёт бирлашмаси марказий шифохонасининг кардиология ва эндокриналогия бўлимларининг янги бинолари қуриб ишга туширилди. Навбатдаги режа туғуруқ комплекси ва болалар касалхонасини ҳам шу жойга кўчириш, 140 ўринли туғуруқ комплекси биносини қуриш эди. Ана шу катта иш қисқа вақтда амалга оширилди. Китоб тумани тиббиёт бирлашмаси бошлиғи Ҳаким Саидовнинг маълумотларига кўра, айни пайтда 257 минг кишига етган туман аҳолисига 3,5 минг шифокор хизмат кўрсатмоқда. Уларнинг 375 нафари олий маълумотли шифокорлардир. Улардан 76 нафари Тошкент врачлар малакасини ошириш институтида ва бир нафари Россияда малака оширган. Тиббиёт ходимлари томонидан кекса ва ногиронларга уйида хизмат кўрсатиш, гигиена товарлари билан таъминлаш ва бошқа хайрли ишларга ҳам эътибор берилмоқда. Ихтисослашган ҳамширалар 160 та патронаж сумкалари билан таъминланди. Марказий касалхонада «Онлайн маслаҳатхона», шикастланганлар пункти ташкил этилди. Яна янгилик, «Электрон поликлиника» тизими йўлга қўйилди.

 

Актам Рўзиев, 225- кўчма механизациялашган қурилиш ташкилоти иш юритувчиси:

— 4 қаватли туғуруқ комплекси биносини қуришга 5 миллиард 800 миллион сўм сарфланди. Аввало, бино хоналарини иситишга алоҳида эътибор қаратилди. Иссиқ ва сувуқ сув узлуксиз етказиб берилади. Мухтасар айтганда, барча шарт-шароитлар муҳайё қилинди.

 

Усмонжон Алимов, туғуруқ комплекси раҳбари:

— Туманимизда 68 мингга яқин туғиш ёшидаги аёллар бор. Биргина ўтган йили 5805 нафар чақалоқ дунёга келди. Жамоамизнинг 32 нафари олий маълумотли шифокорлардир. Тиббиётда, айниқса, туғуруқхоналарда замонавий ускуналарнинг аҳамияти жуда ҳам катта. Илгари УТТ аппаратига эга эдик. Эндиликда «Кювез» ускунаси ҳам келтирилди. Хуллас, янги туғуруқ комплексида меҳнат қилиш учун барча шароитлар бор.

 

Сожида Асророва, ҳамшира:

— Мен тиббиёт соҳасида 39 йил меҳнат қилдим. Эндиликда шундай замонавий шифохоналар қуриляптики, яна ишлагинг келади. Дунёда шифокорликдек фахрли ва заҳматли касб йўқ.

 

Ҳимоят Бегматова, меҳнат фахрийси: — Онам менга Оқсув дарёси буйидаги эски, ночор иморатда жойлашган туғуруқхонада дунёга келгансан, деб айтарди. Ўзим ҳам 37 йил тиббиёт ҳамшираси бўлиб ишладим, ҳозир ёшим 67 да. Мен бугун янгидан қурилган туғуруқхонадаги шароитларни кўриб роса севиндим ва давлатимизга раҳматлар айтдим. Чунки бу замонавий шифохонада бахтли оналар чақалоқларини дунёга келтириб, бағриларига босишади.

Китоб туманида янги туғуруқ комплексининг очилиш маросимида Қашқадарё вилояти ҳокими Зафар Рўзиев иштирок этди. Унинг таъкидлашича, 2019 йилда ҳам тиббиёт ва таълим тизимига алоҳида эътибор қаратилади. Ўнлаб шифохоналар, мактаблар, болалар боғчалари бунёд этилади.

 

Юнус УЗОҚОВ,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: