Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
08.01.2019

ЖАНГОВОР ТАЙЁРГАРЛИК

Бугунги кунда Қуролли Кучларимиз қўшинларининг жанговар тайёргарлиги, ҳар қандай вазиятга шайлиги кун сайин мустаҳкамланиб бормоқда. Тезкор-тактик, қўмондонлик-штаб ўқув машқларини пухта режалаштириш, уларни жанговар шароитларга имкон қадар яқинлаштириш ишлари тобора такомиллаштирилмоқда. Буни ҳарбий қисм ва муассасаларда режа асосида ўтказилаётган ўқув машғулотлари мисолида ҳам кўриш мумкин.

Доимий жанговар шайлик замирида эса сарҳадларимиз дахлсизлиги, осойишталигимизни асрашдек устувор мақсад мужассам.

Шарқий ҳарбий округга қарашли майор Расулхон Аҳмедов командирлик қилаётган ҳарбий қисм шахсий таркиби жанговор тайёргарликни оширишда бошқаларга ўрнак бўлмоқда.

Округнинг дала-ўқув майдонларидан бири. Бу ерда ўтказилаётган амалий тактик-ўқув машғулотлари давомида машқларни юқори даражада ташкиллаштириш ва ўтказиш, бўлинмаларнинг ҳудудга жойлашиши, кузатув пунктини жиҳозлаш ҳамда ниқоблаш, разведка ишларини ташкил этиш масалаларига алоҳида эътибор қаратилди. Ҳар бир ўқув жойида машғулотларни бажаришда инновацион ёндашувни кўриш мумкин.

Машғулот раҳбарлари томонидан ҳарбий хизматчиларнинг машқларни ўзлаштириш даражасига ҳам танқидий, ҳам таҳлилий баҳо берилмоқда. Чунки шиддат билан ўзгариб бораётган замонавий жанг олиб бориш стратегияси ҳарбийларимиздан узлуксиз равишда билимларини бойитиш ва малакаларини такомиллаштириб боришни талаб этади. Шу маънода бугунги кунда жанговар бўлинмалар олдида турган вазифалар ҳар қачонгидан-да масъулиятли. Уларни муваффақиятли ҳал этиш учун юксак тайёргарликка эга бўлган профессионаллар, ўз ишининг моҳир усталари, стратегик ва тактик фикрловчи командирлар бўлинмаларга етакчилик қилиши зарур.

Мазкур амалий тактик-ўқув машғулотлари ҳарбий хизматчи учун бўлинмаларни бошқариш, ностандарт қарорлар қабул қилиш, энг муҳими қўшинлар ҳамкорлигининг ўзига хос муҳим жиҳатларини амалиётда синаб кўриш имконини бермоқда, уларнинг тажриба ва маҳоратларини оширмоқда.

 

Аҳрор ОЧИЛОВ


Фикр ва мулохазалар

Защита от автоматических сообщений

Сўнгги янгиликлар: