Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
01.01.2019

ЎЗБЕКИСТОНДАГИ ИСЛОҲОТЛАР ХАЛҚАРО ҲАМЖАМИЯТ ТОМОНИДАН ҚЎЛЛАБ-ҚУВВАТЛАНМОҚДА

Шайхулислом Оллоҳшукур ПОШШОЗОДА, Кавказ мусулмонлари идораси раиси, МДҲ Динлараро кенгаши ҳамраиси, Кавказ халқлари Олий диний кенгаши раиси:

«Бугунги кунда дунёда ечими мураккаб туюлган фожиаларнинг ҳал этилиши аслида у қадар қийин эмас, аксариятининг жавоби қадимий қўлёзмалар саҳифаларида мужассам. ...Чунки мазкур хайрли ҳамда савобли саъй-ҳаракатлар ислом динининг эзгулик ва маърифатпарварликка йўғрилган таълимотини башарият онгига софлигича етказиши, унинг моҳиятини миссионерлар, сохта сиёсатчилару худбин файласуфлар бузиб талқин этишига йўл қўймаётгани билан улуғвор ҳисобланади.

Президент Шавкат Мирзиёевнинг «Ўзбекистон Ислом академиясини ташкил этиш чора-тадбирлари тўғрисида»ги қарори мана шу узвийликнинг мантиқий давоми, десак, айни ҳақиқат бўлади. Бу юртда қадимда бўлгани каби мазкур Академия туфайли диний илм-фан ва таълим янада тараққий топади. Шу сабабли, ўйлайманки, Шавкат Мирзиёев мазкур Академиянинг асосчиси сифатида унинг биринчи академиклигига лойиқ ҳисобланади».



Мариуц МАРЖЕВСКИ, Варшавадаги Шарқшунослик маркази (Centre for Eastern Studies) катта илмий ходими:

«Шавкат Мирзиёев мамлакатда ҳам, минтақада ҳам янги динамикани яратган сиёсатчидир. У бошлаган ислоҳотлар узоқ муддатли таъсирга эга ва тизимли хусусияти билан ажралиб туради».



Юлий ЮСУПОВ, иқтисодчи, Center for Economic Development директори:

«Йилнинг энг муҳим ҳодисаси буамалдаги солиқ тизимини тубдан ўзгартиришга қаратилган солиқ ислоҳоти концепциясининг қабул қилинганидир».



Рафаэль САТТАРОВ, сиёсатшунос:

«Президент Мирзиёевнинг АҚШга ташрифи, Тожикистон билан виза муносабатларининг бекор қилиниши ҳамда Ўзбекистоннинг Қирғизистон ва Қозоғистон билан чегара муаммоларининг ҳал этилгани йилнинг энг ёрқин ҳодисаларидир». Жанубий Кореянинг



«The Korea Times» газетаси:

«Шавкат Мирзиёев 2016 йил декабрда Ўзбекистон Президенти лавозимига киришганидан то ҳозирги вақтгача инсон ҳуқуқларини таъминлаш, иқтисодий ислоҳотларни амалга ошириш, очиқ сиёсат юритиш, шу жумладан, сиёсий маҳбусларни озод этишда юксак натижа кўрсатиб келаяпти. Ўзбекистон раҳбари қўшни давлатлар билан фаол ҳамкорлик алоқаларини ўрнатган ҳолда, Марказий Осиёда тинчлик-тотувликни асрашга катта ҳисса қўшмоқда.

Штаб квартираси Сеулда жойлашган Осиё журналистлари ассоциацияси (ОЖА) Ўзбекистон Президенти Шавкат Мирзиёевни «2018 йил одами» деб эълон қилди».



Энтони БОУЭР, Стокгольмдаги Хавфсизлик ва ривожланиш сиёсати институти (Institute for Sekurity & Development Policy) эксперти:

« ...мазкур ислоҳотлар 33 миллиондан ортиқ аҳолига эга Ўзбекистоннинг йиллар мобайнида фойдаланилмаган имкониятларини юзага чиқариш ва уларни бугунги глобаллашув даврида давлат тараққиёти, фуқаролар фаровонлиги йўлида қўллашга қаратилган».



Цзян Янь, ХХРнинг Ўзбекистондаги Фавқулодда ва мухтор элчиси:

«Бугунги кунда Ўзбекистонда кенг кўламли ислоҳотлар амалга оширилмоқда. Ана шу жараёнда давлат хавфсизлиги ва ижтимоий барқарорликни таъминлаш, ишбилармонлик муҳитини яхшилаш, суд ҳамда маъмурий соҳаларни ислоҳ қилиш, халқнинг кундалик турмушига оид масалаларни ўз вақтида ҳал этиш учун интернет-порталлар очиш асосида илгари тўпланиб қолган муаммолар ечимини топаяпти, аҳолининг моддий таъминоти яхшиланаяпти.

Яхши қўшничилик алоқалари фаол равишда қайта тикланмоқда, минтақавий ҳамкорлик ривожланиб, халқаро муносабатлар мустаҳкамланаётир. Бу борада ажойиб натижаларга эришилмоқда. Айтиш мумкинки, Ўзбекистон халқи Президент Шавкат Мирзиёев раҳбарлигида мамлакат тараққиётида янги саҳифа очди».



Насер БУШЕРИТ, Жазоир Халқ Демократик Республикасининг Ўзбекистондаги Фавқулодда ва мухтор элчиси:

«Шавкат Мирзиёев ҳокимият тепасига келганидан кейин бошланган жадал ислоҳотлар, шу жумладан, валюта бозорининг либераллаштирилиши иқтисодий очиқлик ва сармоялар жалб этилиши омилини сўзсиз тезлаштиради. Ўз навбатида, биз ҳам мазкур воқеаларни диққат билан кузатиб бораяпмиз».



Винод КУМАР, Ҳиндистоннинг Ўзбекистондаги Фавқулодда ва мухтор элчиси:

«Биз БМТ Бош Ассамблеясида Ўзбекистон томонидан илгари сурилган «Марказий Осиё минтақасида тинчлик, барқарорлик ва изчил тараққиётни таъминлаш бўйича минтақавий ва халқаро ҳамкорликни мустаҳкамлаш» резолюциясини қўллаб-қувватладик. Бундан ташқари, Президент Шавкат Мирзиёев таклифи билан БМТ Бош Ассамблеяси томонидан 12 декабрь куни қабул қилинган «Маърифат ва диний бағрикенглик» махсус резолюциясининг ҳаммуаллифларидан бири Ҳиндистон бўлди».



Таиландда Ўзбекистонинг бугунги тараққиётига бағишлаб нашр этилган «Berita Muslim Life» журнали:

«Ўзбекистон Президент Шавкат Мирзиёев ўз фаолиятининг биринчи кунлариданоқ барча прогноз ва қолипларни синдиргани ҳолда мамлакатни очиқлик сари етаклаш жараёнининг ташаббускори бўлди. Ўнлаб сиёсий маҳбуслар озод қилинди, қарийб уч минг киши афв этилди, минглаб одамлар махсус хизматларнинг «қора рўйхати»дан ўчирилди, матбуот илгари тақиқланган мавзуларни кўтариб чиқа бошлади. Бундай чора-тадбирлар қўшни мамлакатлар билан муносабатларни яхшилаш бўйича дипломатик ташаббуслар билан биргаликда мамлакат ичкарисида ва унинг ташқарисида ҳам кўпчилик кутмаган некбинликни уйғотгани ҳолда Ўзбекистонда янги муҳитни яратди».



«Ўзбекистон овози» мухбири

Нуруллоҳ ДОСТОН тайёрлади.


Фикр ва мулохазалар

Защита от автоматических сообщений

Сўнгги янгиликлар: