Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
01.01.2019

АФСОНАВИЙ АРЧА БАЙРАМИ БАРЧАНИ ҲАЯЖОНГА СОЛМОҚДА, ХУШНУД ЭТМОҚДА

2018 йил ўз ўрнини 2019 йил – «Фаол инвестициялар ва ижтимоий ривожланиш йили»га бўшатиб берди. Халқимиз янги йилга бир олам орзу-умидлар, улуғ ниятлар билан қадам қўйди.

Бугун мамлакатимизнинг барча ҳудудларида ташкил этилган арча байрамларига келаётган болажонлар қувончи чексиз. Пойтахтимиз Тошкентнинг Алишер Навоий кутубхонаси ёнидаги майдон шундай безатилганки, кечқурун бу ерга келган болалардан тортиб ота-оналаргача мўъжизалар оламига кириб қолгандек ҳис этади ўзини.

Пойтахтимизнинг бош арчаси ҳам шу ерга ўрнатилган. Тошкент шаҳар ҳокимлиги, шаҳар маданият бошқармаси ва «Автограф ювент» хусусий корхонаси томонидан ташкил этилган арчанинг баландлиги 35 метр бўлиб, 18000 чироқ ва 42000 ўйинчоқ билан безатилган. Унинг атрофида болажонлар Қорбобо ва Қорқиз, эртак қаҳрамонлари билан ўзбек ва рус тилларида қўшиқ айтиб, рақсга тушишмоқда. Хонандалар томонидан куйланаётган қўшиқларга ҳамоҳанг тарзда арчадаги чироқлар ҳам ёниб-ўчиб, «рақсга тушади».

Байрам учун ажратилган умумий майдон 4 қисмга бўлинган бўлиб, яна тўртта 8 метрлик арча ўрнатилган. Савдо шохобчалари ва овқатланиш нуқталари, аттракционлар, кўнгилочар ўйингоҳлар ташкил этилган. Байрамона безатилган, ранг-баранг чироқлар шуъла сочиб турган саҳнада эса санъаткорлар, театрлар ва цирк жамоалари, ўзбек миллий драма театри, ёшлар театри, рақс гуруҳлари, ёш хонандалар йиғилганларни хушнуд этмоқда. Улкан мониторларда мультфильмлар, ижтимоий роликлар намойиши тўхтовсиз бериб борилаяпти.

Ўзбекистон академик рус драма театри жамоаси ҳам саҳнада ўз байрам дастури билан томошабинларни хушнуд этмоқда. Буни уларнинг юз-кўзидаги ҳаяжон ва қувончдан билса бўлади.

Бир томонда «Звезда Интернета» жамоасининг рақс-томоша намойишлари, кичкинтойлар билан биргаликда ўтказаётган ўйинлари барчага илиқ кайфият улашмоқда.

Пойтахтимизга республикамизнинг турли вилоятларидан келган меҳмонлар билан бир қаторда хориждан ташриф буюрган меҳмонлар ҳам анчагина.

Биз янги йилни ўтказиш учун Кореядан оиламиз билан келдик, – дейди Евгения Тен. – Тошкент шунчалик чиройли бўлиб, ўзгариб кетибдики, уни таниёлмай қолдик. Айниқса, тунги Тошкент жуда фусункор, кўрган одамнинг баҳри-дили очилади. Ўзбекистонда яхши томонга ўзгаришлар бўлаётганини ўз кўзимиз билан кўрдик. Бундан жуда хурсандмиз.

Янги йил байрами кунлари майдондаги концерт дастурлари эрталаб соат 11 дан кечки соат 21-22 гача давом этмоқда.



Нилуфар ЧОРИЕВА


Фикр ва мулохазалар

Защита от автоматических сообщений

Сўнгги янгиликлар: