Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
29.12.2018

ЎЗБЕКИСТОН ПРЕЗИДЕНТИНИНГ ҚИРҒИЗИСТОН ПРЕЗИДЕНТИ БИЛАН ТЕЛЕФОН ОРҚАЛИ МУЛОҚОТИ ТЎҒРИСИДА

Ўзбекистон Республикаси Президенти Шавкат Мирзиёев 28 декабрь куни Қирғизистон Республикаси Президенти Сооронбай Жээнбеков билан телефон орқали мулоқот қилди.

Давлат раҳбарлари кириб келаётган Янги йил муносабати билан бир-бирларини самимий қутлаб, эзгу тилаклар билдирдилар.

Президентлар ўзаро манфаатли ҳамкорликнинг бугунги ҳолати ва истиқболларини муҳокама қилди ҳамда минтақавий ва халқаро сиёсатнинг долзарб масалалари юзасидан фикр алмашдилар.

Сўнгги бир йилда Ўзбекистон – Қирғизистон муносабатлари сифат жиҳатидан янги босқичга кўтарилиб, аниқ амалий мазмун билан бойигани қайд этилди.

Ҳамкорлик барча йўналишларда фаоллашди. Мамлакатларимиз Бош вазирлари раислигида жорий йил март ва декабрь ойларида Фарғона ва Ўш шаҳарларида Ўзбекистон ва Қирғизистон чегарадош ҳудудлари раҳбарлари кенгашининг мажлислари ўтказилди. Май ойида Парламентлараро ҳамкорлик бўйича комиссиянинг биринчи учрашуви бўлиб ўтди.

Ўзаро савдо ҳажми ортиб, электротехника, қурилиш материаллари саноати ва бошқа соҳаларда қўшма кооперация лойиҳалари амалга оширилди.

Андижон-Ўш-Иркиштом-Қошғар халқаро автотранспорт йўлаги фаолият юритмоқда, Ўзбекистон-Қирғизистон-Хитой темир йўл линиясини қуриш лойиҳаси биргаликда тайёрланмоқда.

Тошкент ва Самарқандда Қирғизистон маданияти ва санъати кунлари муваффақиятли ўтказилди. Чингиз Айтматов таваллудининг 90 йиллигини нишонлаш доирасида мамлакатимиз ҳудудларида тантанали тадбирлар ташкил этилмоқда.

Ўш шаҳрида барпо этилган Алишер Навоий номидаги мактаб жорий йил кузида илк ўқувчиларини ўз бағрига олгани катта мамнуният билан қайд этилди.

Мулоқот сўнггида давлат раҳбарлари мамлакатларимиз ўртасида дўстлик, яхши қўшничилик ва стратегик шериклик муносабатларини янада ривожлантириш ва мустаҳкамлаш, кўп қиррали икки томонлама ҳамкорликни кенгайтириш борасида интилишлари қатъий эканини таъкидладилар.

 

ЎзА



DB query error.
Please try later.