Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
18.12.2018

ТИББИЙ-ИЖТИМОИЙ АГЕНТЛИК ФАОЛИЯТИ

электоратимиз манфаатларига ҳар томонлама мосдир

— Президентимиз томонидан куни кеча қабул қилинган «Ўзбекистон Республикаси соғлиқни сақлаш тизимини тубдан такомиллаштириш бўйича комплекс чора-тадбирлар тўғрисида»ги фармони тиббиёт соҳасини замон талабларига мос тарзда ислоҳ қилишга қаратилгани билан аҳамиятли, деб ўйлайман.

Албатта, фуқароларимиз кафолатланган тиббий хизмат бўлиши тарафдори. Бироқ мазкур соҳада тайёрланаётган кадрлар талабга қай даражада жавоб беради? Бу саволга ижобий жавоб бериш қийин. Шунинг учун Президент фармонида соғлиқни сақлаш соҳасида кадрлар тайёрлаш тизимини янги босқичга олиб чиқиш вазифаларига алоҳида тўхталиб ўтилган.

Охирги йилларда танишларимиз ёки қариндошларимиз даволаниш учун чет элга кетаётганига кўп гувоҳ бўляпмиз. Бу нимадан далолат? Табиийки, соҳада малакали кадрлар ҳамда талабга яраша асбоб-ускуналар етишмаслигидан.

Яна бир муҳим масала. Партиямиз электорат вакиллари билан бўлиб ўтаётган мулоқотларда кўплаб мурожаатлар келиб тушмоқда. Ногиронлиги бўлган шахслар ва аҳолининг ижтимоий ҳимояга муҳтож бош­қа тоифаларига кўрсатилаётган тиббий-ижтимоий хизматлардан, ногиронликни белгилашдаги муаммолар, муҳтож шахсларни протез-ортопедик буюмлар ва реабилитация техник воситалар билан таъминлаш масалаларида муаммолар йиғилиб қолган. Меъёрий-ҳуқуқий ҳужжатларнинг бир-бирига зидлиги оқибатида аҳоли оворагарчиликларга дуч келмоқда.

Фармонда белгиланишича, ушбу соҳалар билан алоҳида тизимли шуғулланиш учун ваколатли органга зарурат туғилди. Соғ­лиқни сақлаш вазирлиги ҳузурида Тиббий-ижтимоий хизматлар агентлигининг ташкил этилиши шаффофликни таъминлашга, камчиликларни бартараф этишга йўл очади, деб ўйлайман.

Агентлик кексалар, ногиронлиги бўлган шахслар ва аҳолининг ижтимоий ҳимояга муҳтож бошқа тоифаларига кўрсатилаётган тиббий-ижтимоий хизматларни янада яхшилаш вазифаларини бажаради. Тиббий-ижтимоий ёрдамнинг ягона сиёсатини шакллантириш ва амалга ошириш, ногиронликни белгилашнинг кенг қамровли ягона тизимини яратиш мақсадида меъёрий-ҳуқуқий базани янада такомиллаштиришга қаратилган таклифларни ишлаб чиқади. Тиббий-ижтимоий муассасаларнинг ижтимоий ҳимояга муҳтож кишиларга тиббий хизмат кўрсатиш бўйича фаолиятини ташкил этиш ва мувофиқлаштириш ҳам мазкур агентлик зиммасига юклатилмоқда. Шунингдек, муҳтож шахсларни протез-ортопедик буюмлар ва реабилитация техник воситалари билан таъминлаш тўлиқ қамраб олинади. Тиббий-ижтимоий экспертиза хизмати, ногиронлиги бўлган шахсларни реабилитация қилиш фаолиятига ташкилий-услубий раҳбарлик қилиш ва уларни мувофиқлаштириш масалалари устувор этиб белгиланди.

Ушбу фармон аҳолининг тиббий хизматга бўлган эҳтиёжини талаб даражасида таъминлаш, ногиронлиги бўлган фуқароларнинг манфаатларини ҳимоя қи­лиш, ишларини янги бос­қичга олиб чиқишига ишончимиз комил.

 

Фарида ҚОСИМОВА,

халқ депутатлари Тошкент вилоят Кенгашидаги Ўзбекистон ХДП гуруҳи аъзоси.



DB query error.
Please try later.