Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
18.12.2018

«МЕҲР УЛАШИНГ» ОЙЛИГИДА ЭРИШИЛГАН НАТИЖАЛАР ҚОНИҚАРЛИМИ?..

Халқ депутатлари маҳаллий Кенгашларидаги партиямиз гуруҳлари ташаббуси билан ногиронлиги бўлган шахсларнинг ҳуқуқ ва манфаатларига қаратилган 23 масала партия гуруҳларида, 14 масала тегишли доимий комиссия­ларда ҳамда 7 масала сессияларда кўриб чиқилди ва тегишли қарорлар қабул қилинди. Соҳага тегишли қонунларга юздан ортиқ таклиф тайёрланди.

Ўзбекистон ХДП Марказий Кенгаши Миллий матбуот марказида «Меҳр улашинг» ойлик акцияси якунига бағишланган матбуот анжумани ўтказди.

Партия Марказий Кенгаши раиси ўринбосари Меҳрожиддин Дархонов ойлик доирасида амалга оширилган ишлар хусусида маълумот берди.

      Мазкур акция жорий йилнинг 6 ноябридан 6 декабрига қадар давом этди, — деди у. — Шу вақт оралиғида 1580 маҳалла, корхона ва ташкилотларда 500 дан ортиқ тарғибот тадбири ўтказилди. Одамларнинг ўй-фикрлари, ҳаёт тарзи билан бевосита танишдик. Жараёнда 10 минг нафардан ортиқ ногиронлиги бўлган шахс, пенсионер ҳамда эҳтиёжманд аҳоли вакиллари қамраб олинди. Шундан 70 нафарига ўз ишини бошлаши учун банк сертификатлари топширилди, 80 нафар ногиронлиги бўлган шахсларга ишга жойлашишида кўмаклашилди. Бундан ташқари, акция доирасида ҳомийлик маблағлари ҳисобига 195 та ногиронлик аравачаси, 140 та эшитиш мосламаси, 350 та қўлтиқтаёқ тарқатилди. Кўргазмалар ҳам ташкил этилиб, ногиронлиги бўлган 700 нафар шахсларнинг касаначилик, ўймакорлик, тикувчилик ка­би ўндан ортиқ турдаги маҳсулотлари намойиш қи­линди ва сотилди. Мулоқотлар давомида аниқланган юздан ортиқ масалалар ўз жойида ижобий ҳал этилди. Марказ билан ҳал бўладиган 50 га яқин масала партиямизнинг парламентдаги фракциясига тақдим қилинди. Фракция аъзолари томонидан республика даражасидаги муаммоларни ҳал этиш юзасидан 8 та депутатлик сўрови юборилди.

Акция доирасидаги тадбирларда маҳаллий Кенгашлар депутатлари ва партия ташкилотлари фаоллари ҳудудларда ногиронлиги бўлган шахсларни ўйлантираётган масалалар билан танишди. Афсуски, жойларда бугунги ислоҳотлар мазмун-моҳиятини чуқур англамаётган мутасадди ташкилотлар, масъулиятни ҳис этмаётган партия ташкилотлари борлиги маълум бўлди. Айниқса, якка-ёлғиз кексалар, ногиронлиги бўлган, сурункали касалликларга чалинган шахслар, бўлажак она ва болаларни патронаж хизматлари билан қамраб олиш ишларини талаб даражасида, деб бўлмайди. Ногиронлиги бўлган шахсларнинг бандлигини таъминлаш ҳам ҳамон долзарб­лигича қолмоқда.

Халқ депутатлари маҳаллий Кенгашларидаги партиямиз гуруҳлари ташаббуси билан ногиронлиги бўлган шахсларнинг ҳуқуқ ва манфаатларига қаратилган 23 масала партия гуруҳларида, 14 масала тегишли доимий комиссияларда ҳамда 7 масала сессияларда кўриб чиқилди ва тегишли қарорлар қабул қилинди. Соҳага оид қонунларга 103дан ортиқ таклиф тайёрланди.

      Тарғиботда биз асосан ОАВга суянардик, — деди ЎзХДП Марказий Кенгаши бўлим мудири Акмал Турсунбоев. — Бирор тадбир ташкил этиш жараёнида энг аввало телевидение ва матбуот ходимлари билан боғланардик. Марказда амалга оширилаётган саъй-ҳаракатлар, ислоҳотлардан чекка ҳудудларда истиқомат қилаётган аҳоли кўпинча хабар топмай қолаётганди. Вақтида тарғиботнинг бош­қа усулларидан кенгроқ фойдаланишни ўйлаб кўрмадик. Мазкур ойлик акция доирасида бу камчилигимизни тузатиш учун ҳудудлардаги меҳнат ярмаркалари, тиббий кўриклар ҳа­қидаги ахборотларни аҳо­лига етказишнинг турли усулларидан фойдаланишга ҳаракат қилдик. «Меҳр улашинг» шиори остида ўн номдаги тар­ғибот воситалари тайёрланиб, аҳоли гавжум жойларга осилди. Шунингдек, партия логотипи туширилган юз мингта буклет, флаерлар, тарғибот воситалари тарқатилди. Бу ўзининг натижасини бермай қолмади, албатта. Гарчи акция биринчи марта ўтаётган бўлса-да, унинг оммабоплигига эриша олдик, деб ўйлайман.

Матбуот анжуманида мутасаддилар журналистларни қизиқтирган саволларга жавоб беришди.

 

Маҳлиё АЛИҚУЛОВА,

«Ўзбекистон овози» мухбири.



DB query error.
Please try later.