Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
13.12.2018

«ҲЕЧ КИМ МЕҲР ВА ЭЪТИБОРДАН ЧЕТДА ҚОЛМАЙДИ»

Бухоро вилояти Қоровулбозор туманида хотин-қизлар қўмитаси ташаббуси ҳамда халқ депутатлари туман Кенгашидаги Ўзбекистон ХДП гуруҳи аъзоси, «Сифатли сут» МЧЖ раҳбари Фарруҳ Бекмирзаев ҳомийлигида хайрия тадбири ўтказилди.

Дастлаб депутат ва мутасаддилар Бухоро шаҳридаги ногирон аёллар махсус уйида бўлиб, у ердаги шароит билан танишди. Ногиронлар куни муносабати билан бир гуруҳ эҳтиёжмандларга ногиронлик аравачалари ҳамда махсус совғалар топширилди.

Шунингдек, байрам дастури доирасида кўргазма ташкил этилди. Унда тадбиркорлик фаолияти билан шуғулланаётган ногиронлиги бўлган хотин-қизларнинг ижод намуналари намойиш этилди. Иштирокчилар туман ҳокимлиги ва ҳомий ташкилотларнинг совғалари билан тақдирланди.

— Халқ демократик партияси, депутатлар ҳамда тадбиркорлар билан яхши ҳамкорликни йўлга қўйганмиз, — дейди туман ҳокими ўринбосари, хотин-қизлар қўмитаси раиси Шарофат Юлдашева. — Одамларни боқимандалик кайфиятидан чиқариш, бандлигини таъминлаш олдимизда турган долзарб вазифалардан саналади.

Тадбирнинг иккинчи қисми бир пиёла чой устида давом этди. «Сардоба» ашула ва рақс ансамбли иштирокидаги куй-қўшиқлар тадбир иштирокчиларига кўтаринки кайфият улашди. Қатнашчилар орасида Лобар Бозорова ҳам бор эди.

— Кўп болали оилага келин бўлганман, — деди у. — Турмуш ўртоғим мавсумий ишлар билан шуғулланарди. Меҳнати оғир эди. Биринчи фарзандимиз туғилгач, у хасталикка чалинди ва ногиронлик нафақасига чиқишга мажбур бўлди. У кишини даволатиш учун кўп ҳаракат қилдик. Бироқ ижобий ўзгариш сезилмади. Иккинчи фарзандимиз туғилгандан сўнг аҳволи ёмонлашиб, тўшакка михланиб қолди. Бир неча йил уларга қараб, уйда ўтирдим. Кейин учинчи фарзандимиз туғилди. Умри қисқа экан, турмуш ўртоғим ва кенжам 6 ойлигида вафот этди. Болаларим учун барчасига чидашим, қийинчиликларни енгиб ўтишим керак эди.

Вазирлар Маҳкамасининг оғир ижтимоий вазиятга тушиб қолган хотин-қизларга, ногиронлиги бўлган, кам таъминланган, уй-жой шароитини яхшилашга муҳтож оналарга арзон уй-жойлар бериш тартиби тўғрисидаги қарори муаммоларимни ҳал қилди. Вилоят ҳамда туман хотин-қизлар қўмитасининг тавсиясига асосан уй-жой билан таъминландим. Ишлаяпман, фарзандларим билан бахтлиман. Мени қўллаб-қувватлаганлардан чексиз миннатдорман.

Ташкилотчилар турмуш шароити оғир, ногиронлиги бор 15 нафар хотин-қиз хонадонига йўқлаб боришди. Муаммолар ўрганилди. Жарқоқ МФЙда яшовчи Латифа Рўзиевага ногиронлик аравачаси топширилди. Янги уй қурилишига ёрдам кўрсатиладиган бўлди.


Фикр ва мулохазалар

Защита от автоматических сообщений

Сўнгги янгиликлар: