Охирги сонда



Кўп ўқилган мақолалар



Долзарб мавзу



Мақолалар архиви

«    Iyun 2019   
Du Se Cho Pa Ju Sha Ya
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
11.12.2018

ТИББИЁТДА ИСЛОҲОТЛАР ДАВОМ ЭТАДИ

Муқаддас РАҲМАТУЛЛАЕВА, Шайхонтоҳур туманидаги 44-оилавий поликлиника бош шифокори, халқ депутатлари Тошкент шаҳар Кенгашидаги ЎзХДП гуруҳи аъзоси:

— Президентимиз Шавкат Мирзиёев томонидан қабул қилинган «Ўзбекистон Республикаси соғлиқни сақлаш тизимини тубдан такомиллаштириш бўйича комплекс чора-тадбирлар тўғрисида»ги фармонда, жумладан, тиббиёт соҳасини молиялаштириш тизимини такомиллаштириш, давлат томонидан кафолатланган бепул тиббий ёрдам ҳажмини белгилаш кўрсатиб ўтилган.

Яширишнинг ҳожати йўқ, ҳа­қиқатдан ҳам бу борада ечимини кутиб ётган долзарб муаммолар мавжуд. Биз тиббиёт ходимлари шаънига аҳоли томонидан билдирилаётган норозиликлар, бу борадаги ноҳақликларни ҳам оқламоқчи эмасман. Лекин ана шу фармон амалда ўз натижасини бера бошласа, тиббиётдаги бир қатор муаммолар ўз-ўзидан ҳал бўлиб кетади, деб ўйлайман.

Яна ҳам ойдинроқ айтадиган бўлсак, бугунги кунда аҳолида тиббий саводхонлик ҳамда фуқароларнинг ўз соғликларига масъуллик даражаси паст. Биз тиббиёт ходимлари соғлом турмуш тарзи кўникмаларини аҳоли орасида шакллантириш орқали уларнинг ўз саломатликларига масъулиятини оширишимиз лозим. Шунинг учун фармонда тиббий хизматлар учун клиник-харажат гуруҳлари бўйича «ҳар бир даволанган ҳолат» учун тўлаш тизимини ҳамда киши бошига молиялаштиришнинг янги механизмларини жорий этиш, шунингдек, мажбурий тиббий суғуртани босқичма-босқич жорий этиш кўзда тутилмоқда.

Хўш, бунда нима ўзгаради? Биринчидан, мажбурий тиббий суғурта амалиёти ривожланган давлатларда кенг қўлланилиб келинмоқда ва ўзининг ижобий самарасини кўрсатмоқда. Иккинчидан, аҳоли орасида касалликлар профилактикасини эрта аниқлаш, соғлом турмуш тарзини шакллантириш орқали фуқароларни ихтисослашган марказларга тиббий ёрдам сўраб мурожаат қилишлари камаяди.

2019-2021 йилларда Ўзбекистон Республикаси соғлиқни сақлаш тизимини ривожлантириш концепциясини амалга ошириш чора-тадбирлари дастурига биноан 2019 йил 1 апрелдан бошлаб республикамизнинг айрим туманларидаги тиббиёт муассасаларида «ҳар бир даволанган ҳолат» учун клиник-харажат гуруҳлари бўйича ва киши бошига молиялаштиришнинг янги механизмлари эксперимент тартибида жорий этилади. Келажакда бу амалиёт олинган натижаларга қараб республикамизнинг барча ҳудуд­ларига бос­қичма-босқич татбиқ этилади. 2021 йил 1 январдан бошлаб мажбурий тиббий суғурталашни бос­қичма-босқич жорий этиш белгиланган.

Президентимиз айтганидай, «Одамларимизни тиббиётимизга ишонтириб ололсак, тиббиёт ходимлари халқимизга муносиб хизмат қила олса, бу нур устига нур бўлади».

Соғлиқни сақлаш тизимига қаратилаётган бундай эътибор, ўйлайманки, соҳани тубдан ўзгартиришга хизмат қилади.

 

«Ўзбекистон овози» мухбири

Нуруллоҳ ДОСТОН

ёзиб олди.


Фикр ва мулохазалар

Защита от автоматических сообщений

Сўнгги янгиликлар: