Охирги сонда



Кўп ўқилган мақолалар



Долзарб мавзу



Мақолалар архиви

«    Sentabr 2019   
Du Se Cho Pa Ju Sha Ya
26 27 28 29 30 31 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 1 2 3 4 5 6
13.11.2018

ХОНАДОНЛАР, КЎЧАЛАР ЧАРОҒОН

Андижон вилоятида 17,6 минг километр ҳаво линияси, 125 та ним станция ҳамда 6 минг 767 трансформатор пункти орқали аҳоли хонадонларига, улгуржи истеъмолчиларга электр энергияси етказиб берилаяпти. Қишлоқларда янги лойиҳалар асосида қурилаётган уй-жойларга электр тармоқларини тортиш ишлари режали бажарилмоқда.

«Ўзбекэнерго» акциядорлик жамия­ти томонидан «Андижон ҳудудий электр тармоқлари корхонаси» акциядорлик жамиятида ўтказилган семинарда «Обод қишлоқ», «Обод маҳалла» дастурларининг бажарилиши, истеъмолчиларга техник хизмат кўрсатишни янада яхшилаш, соҳага янгича ёндашув масалаларига алоҳида эътибор қаратилди.

— «Андижон ҳудудий электр тармоқлари корхонаси» акциядорлик жамиятининг ўқув маркази ишчи-ходимлар малакасини оширишда алоҳида ўрин тутади, — дейди Андижон вилоят ним станциялар чилангари Толибжон Эсонов. — Ўқув марказида олиб борилган изланишлар натижаси инженер-техник ходимлар ўртасида муҳокама қилинади, тажриба тариқасида синаб кўрилади. Янгиликлар корхонамизда кенг қўлланилади. Ҳозир шу тажрибаларни амалиётга татбиқ этиш давом этаяпти. Механик қурилмалар ўрнига вакуумли турдош қурилмалар ўрнатилаяпти. Бу электр энергиясининг тежамкорлигини, сифат даражасини оширади.

Андижон туманидаги трансформаторларни таъмирлаш устахонаси фаолияти талабларга мос тарзда янгича ташкил этилди. Тадбирлар тизимли бажариляпти. Автоматик тарзда электр энергиясини назорат қилиш ва бош­қарувга ўтилди. Бу истеъмолчиларга ҳам, хизмат кўрсатувчиларга ҳам қулай.

— Андижон, Хонобод шаҳарлари, Андижон, Олтинкўл туманларидаги 26 минг 714 аҳоли, 3 минг 560 юридик истеъмолчининг энергия сарфи назорати ва бошқарувини амалга оширяпмиз, — дейди электр энергияси истеъмолини автоматик тарзда масофадан туриб назорат қилиш ва бошқарув гуруҳи раҳбари Равшанбек ­Ҳакимов. — Тежамкорлик борасида аҳоли ўртасида тар­ғибот-ташвиқот ишларини олиб бораяпмиз. Масалан, люминесцент лампалар чўғланма лампаларга нисбатан 5 баравар, диодлилари эса 10 баравар кам энергия сарф қилишидан кўпчилик хабардор. Таҳлиллар шуни кўрсатадики, ҳар бир хонадонда 10 дона 100 ваттли чўғланма лампа 10 ваттли диодлисига алмаштирилса, бир йилда 1802 283 сўм маблағ иқтисод қилинади.

Семинар иштирокчилари Олтинкўл туман электр тармоқлари корхонаси томонидан ташкил этилган кўргазмада электр, иссиқлик энергияси таъминотини мувофиқлаштириш, инвестиция лойиҳаларини рўёбга чиқариш, ходимларни тўғри танлаш, жойлаштириш ва меҳнат муҳофазаси бўйича олиб борилаётган ишлар билан танишди.

Марҳамат туман электр тармоқлари корхонаси жамоаси томонидан муқобил манбаларни ишга туширишда изланишлар олиб борилмоқда.

— Сув оқими орқали кичик станцияларни ишга тушираяпмиз, — дейди корхона раҳбари Ҳусанбой Аҳмедов. — Генератор кўмагида соатига 22 киловатт электр энергияси ишлаб чиқарадиган кичик гидростанция Оқбош маҳалласидаги 17 хонадонни чароғон этмоқда. Жорий йилнинг ўтган даврида туман ҳудудида 12 трансформатор пункти қурилди. Истеъмолчиларга узлуксиз, сифатли энергия етказиб берилмоқда.

 — Семинарда андижонлик ҳамкасб­ларимизнинг ибратли ишлари билан яқиндан танишдик, — дейди ­«Хоразм ҳудудий электр тармоқлари корхонаси» акциядорлик жамияти бош директори Соатбой Яхшимуродов. — Инновацион технологиялардан, замонавий ускуналардан фойдаланиш яхши йўлга қўйилганини ўз кўзимиз билан кўрдик. Муҳими, янгилик ижодкорлари шу корхонанинг инженер-техник ходимлари экан. Биз ҳам ана шу янгиликларни амалиётга жорий қилиш ниятидамиз.

Андижоннинг ободлиги ҳар қадамда кўриниб турибди. Замонавий ёритиш мажмуаси шаҳар оқшомларини чароғон этмоқда. Ишга янгича ёндашиш, тизимли тажриба «Обод қишлоқ», «Обод маҳалла» дастурларининг бажарилиши, истеъмолчиларга сифатли хизмат кўрсатишда ўз натижаларини бераётир.

Семинарда «Ўзбекэнерго» акциядорлик жамияти бошқаруви раиси ўринбосари Рўзиқул Райимов, Андижон вилоят ҳокими ўринбосари ­Иброҳимжон Холматов иштирок этди.

 

Аҳмадилло СОЛИЕВ


Фикр ва мулохазалар

Защита от автоматических сообщений

Сўнгги янгиликлар: