Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
15.11.2018

МИННАТДОРЛИК ХАТЛАРИ КЕЛМОҚДА

Фуқароларнинг мурожаатларига жиддий эътибор қаратиш, кўтарилган муаммоларни амалда ҳал қилиш устувор вазифага айланди. Бу борада Ўзбекистон Халқ демократик партиясида ўзига хос тажриба тўпланган. Бир неча йиллар давомида синовдан ўтган Жамоатчилик қабулхоналари фаолияти электорат манфаатларини ҳимоя қилишда, одамларни ўйлантираётган масалаларга ечим топишда муҳим аҳамият касб этяпти. Ҳар бир мурожаат атрофлича ўрганилиб, мутасаддилар ва ҳамкор ташкилотлар иштирокида ҳал этилмоқда.

Хусусан, жорий йилнинг 9 ойи давомида партия ташкилотлари қошидаги 207 Жамоатчилик қабулхонасига 11065 мурожаат келиб тушди. Уларнинг 8004 таси бўйича амалий натижага эришилди, қолганлари юзасидан ҳуқуқий тавсиялар берилди.

Мурожаатлар асосан тадбир­корлик, соғлиқни сақлаш, иш билан таъминлаш, ер ва уй-жой олиш, моддий ёрдам, тиббий хизмат, суд-ҳуқуқ тизими, кредит, коммунал хўжалиги, қурилиш ҳамда бошқа ижтимоий масалалар юзасидан бўлган. Коммунал соҳа ва бандлик ҳақидаги мурожаатлар сон жиҳатдан кўплигини алоҳида таъкидлаш жоиз.

Ҳудудлар миқёсида энг кўп мурожаат Андижон вилоятидаги Жамоатчилик қабулхоналари ҳисобига тўғри келади. Фарғона, Тошкент, Наманган, Бухоро, Навоий вилоятларидаги партия ташкилотлари ва депутатлик бирлашмалари ҳам аҳоли мурожаатларига ечим топиш масаласида ташаббускорлик кўрсатмоқда.

Бироқ айрим вилоят, туман ва шаҳар кенгашлари Жамоатчилик қабулхоналарига тушган мурожаатларни ҳал этишга жиддий эътибор бермаяпти. Масалан, жорий йилнинг 9 ойи давомида Самарқанд шаҳар, Пастдарғом, Пахтачи, Самарқанд, Денов, Олтинсой, Шўрчи, Шовот, Чироқчи, Ғузор ва Деҳқонобод туманларида мурожаатлар билан ишлаш талаб даражасида эмас.

Таъкидлаш керакки, электорат вакиллари томонидан партия Марказий Кенгашига тўғридан-тўғри мурожаатлар ҳам бўлади. ­Жорий йилнинг 9 ойи давомида 100 га яқин ана шундай мурожаат қайд этилган. Уларнинг 24 таси бевосита партия раҳбарининг www.xdp.uz сайтидаги виртуал қабулхонаси орқали қабул қилинган. Мурожаатларнинг ҳозиргача 90 таси ижобий ҳал этилган, қолган 9 тасининг ижроси назоратга олинган.

Мурожаати ечим топган, муаммоси ҳал бўлган фуқаролардан партия раҳбарияти номига миннатдорлик хатлари келмоқда.

Масалан, мактубларда қуйидагича сўзлар ёзилган: «Ўзбекистон ХДП вакиллари уйимга ташриф буюришиб, ўғлимга ногиронлик аравачаси беришди. Бундан кейин ҳам фарзандимнинг аҳволидан тез-тез хабар олиб туришларини билдиришди. Кўрсатилган эътибор учун сизга яна бир бор миннатдорлик билдираман... Китоб тумани «Панжи» МФЙ Қуйи Оқбой қишлоғида яшовчи С.Ибрагимов»

«...менга ўзим сўрагандек ҳокимият томонидан 25 сотих ер ажратиб беришди... Мен ўзим ва оилам номидан Марказий Кенгаш раиси Х.Кетмоновга, вилоят кенгашига, туман кенгаши ходимларига ўз миннатдорчилигимни билдираман.

Феруза Абдураҳимова,

Наманган вилояти, Янгиқўрғон тумани, Бирлашган қишлоғи».

Бу каби мисолларни кўплаб келтириш мумкин. Асосийси, ҳам­юртларимизнинг кўнгли кўтарилмоқда, мушкули осон бўляпти. Шу билан бирга, уларнинг миннатдорлиги, билдираётган ишончи партия фаолларининг, депутатларнинг зиммасига янада катта масъулият юклайди. Ўз устида ишлаш, ташаббус ва фаоллик кўрсатишга ундайди.



DB query error.
Please try later.