Охирги сонда



Кўп ўқилган мақолалар



Долзарб мавзу



Мақолалар архиви

«    Mart 2019   
Du Se Cho Pa Ju Sha Ya
25 26 27 28 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31
13.11.2018

ЯНГИ РАИСНИНГ ТАЛАБИ — БУГУННИНГ ТАЛАБИ

Ўзбекистон ХДП Тошкент вилоят кенгашининг ижроия қўмитаси йиғилиши бўлиб ўтди. Унда вилоят, туман ва шаҳар партия кенгашлари масъуллари, партия депутатлик гуруҳлари аъзолари иштирок этди.

— Ишга янгича ёндашишимиз кераклиги кўп таъкидланди, — деди ЎзХДП Тошкент вилоят кенгаши раиси Нилуфар Юлдашева (Ўзбекистон ХДП Марказий Кенгашининг 1 ноябрь куни ўтказилган пленумида сайланди). — Аммо, очиғини айтсак, натижа кам кўриняпти. Энди ҳар бир туман партия кенгашининг фаолиятини қаттиқ назорат қиламиз. Вазифасига лоқайдлик билан қараганлар тегишли тартибда жазоланади. Виждонан, амалий натижа учун ишлаётганлар эса рағбатлантирилади.

Кейинги йил ниҳоятда синовли бўлади. Шуни унутмаслик керакки, ҳудудда қайси партия кўзга кўринарли ишлари билан одамлар оғирини енгил қилган бўлса, ўша партия номзодлари сайловларда ғалаба қозонади. Демак, олдимизда масъулиятли вазифалар турибди. Бу камчиликларни бартараф этиш бўйича пухта таклифлар устида ишлашимиз керак бўлади. Аввало, бошланғич ташкилотларга алоҳида эътибор қаратишимиз лозим. Жорий йилнинг 1 июнидан 1 июлига қадар «Бошланғич партия ташкилотлари билан ишлаш ойлиги», деб эълон қилинди. Шу вақт мобайнида 29 ташкилотда бошланғич ташкилот тузилди.

Жорий йилнинг тўққиз ойи мобайнида вилоят, туман ва шаҳар партия кенгашлари қошидаги 19 Жамоатчилик қабулхонасига мингга яқин мурожаат тушган. Шундан 75,5 фоизи ижобий ҳал этилган, қолганлари бўйича тушунтириш берилган. Ангрен шаҳар, Бекобод, Қуйи Чирчиқ ва Янгийўл туман кенгашлари мурожаатларга етарлича эътибор қаратмаётгани аниқланди. Бу каби камчиликлардан қисқа фурсатда хулоса чиқаришимиз керак.

— Яхши натижага эришган туман партия кенгашларининг тажрибасини оммалаштириш лозим, — деди ЎзХДП Тошкент вилоят кенгаши раиси ўринбосари Алишер Юсупов. — Партия гуруҳларимиз 24 масалани сессия­ларга киритган бўлса, доимий комиссияларда 39 масала, пар­тия гуруҳлари йиғилишларида 41 масала муҳокама қилинди. Бу рақамлар бизни қониқтирмайди. Ўтган вақт давомида ЎзХДП Қуйи Чирчиқ туман кенгаши томонидан бор-йўғи битта масала доимий комиссия йиғилишига олиб чиқилган. Ангрен шаҳар, Бекобод ҳамда Янгийўл туман партия кенгашлари ва депутатлик гуруҳлари томонидан шу кунга қадар бирорта масала муҳокама этилмаганини қандай изоҳлаш мумкин?..

Халқ депутатлари шаҳар ва туман Кенгашларидаги 188 нафар депутатимиз томонидан 506 депутатлик сўрови юборилган. Шундан 217 таси қонун ва қарорлар бажарилиши, 268 таси эса фуқароларнинг мурожаатлари юзасидан амалга оширилган. Шу ўринда айтиш керакки, масъулиятни ҳис этмаётган депутатларимиз ҳам йўқ эмас. Бекобод туманидаги 7 нафар депутат атиги 6 депутатлик сўрови билан мурожаат этган. Бу депутатлар масъулиятни етарли даражада ҳис этмаётганини билдиради.

Доимий комиссияларда ҳам партия Сайловолди ва Ҳаракат дастурида белгиланган вазифалар ижроси бўйича ташаббуслар талаб даражасида эмас. Ҳудудларни ижтимоий-иқтисодий ривожлантириш, давлат ҳокимияти ва бошқаруви тизимидаги мансабдор шахсларнинг ҳисоботларини эшитиш ишлари ҳам кўнгилдагидек бўлмади.

Шунингдек, йиғилишда пар­тия марказий нашрларига обуна бўлиш масаласи ҳам муҳокама қилинди. Туман кенгашлари раислари йил давомида олиб борилаётган ишлар, ислоҳотлар, қонунчиликдаги ўзгаришлар ҳамда партиядошлар фаолиятидан бохабар бўлиб боришда йиллик обунанинг аҳамияти катта эканини таъкидлашди.

Йиғилишда муаммо ва камчиликларни бартараф этиш бўйича қатор чора-тадбирлар белгиланди.

Шу куни Муқимий номидаги мусиқали драма театрида вилоят партия кенгаши томонидан «Тиббиёт ходимлари куни» муносабати билан байрам тадбири ҳам ўтказилди. Унда мамлакатимизда соҳа ривожига ҳисса қўшиб келаётган бир гуруҳ шифокорларга фахрий ёрлиқ ва эсдалик совғалари топширилди.

Театр жамоаси томонидан саҳналаштирилган «Қайчи қудалар» спектакли намойиши тиббиёт ходимларини янада хушнуд этди.

 

Маҳлиё АЛИҚУЛОВА,

«Ўзбекистон овози» мухбири.



DB query error.
Please try later.