27.09.2018

ЭЛЕКТОРАТ МАНФААТ КЎРАДИ

Ўзбекистон фермер, деҳ­қон хўжаликлари ва томорқа ер эгалари кенгашининг матбуотда эълон қилинган мурожаатини аҳоли катта қизиқиш ва кўтаринки кайфият билан кутиб олди. Бу йил пахта йиғим-терими мавсумида янги тизимда иш олиб борилиши, 18 ёшга тўлмаган ёшлар, турли идора ва ташкилот ходимлари мажбурий равишда теримга жалб этилмаслиги жамоатчилик томонидан маъқулланмоқда. Терилган пахтага тўлов миқдори кўтарилгани, шунингдек, теримчилар билан пахта майдонининг ўзида кунлик ёки ҳар беш кунда ҳисоб-китоб қилиниши моддий манфаатдорликни оширади.

Уюшмаган, вақтинча банд бўлмаган ва ўз хоҳиши билан пахта териш истагини билдирган меҳнатга лаёқатли қишлоқдошларимизни бирлаштириб, теримни ташкил этмоқдамиз. Мавсум давомида туманлар Бандликка кўмаклашиш марказлари томонидан 80 тонна пахта терган отряд раҳбарларига 1 миллион сўмдан, 80 тоннадан ошганда ҳар бир тоннасига 50 минг сўмдан меҳнат ҳақи тўлаш тартиби белгиланган. Шу билан бир қаторда фермер, деҳқон хўжаликлари ва томорқа ер эгалари кенгаши ўртасидаги шарт­нома асосида вақтинча бандликни таъминлаш имкони яратилмоқда. Буларнинг барчаси партиямиз электорати манфаатларига хизмат қилади, албатта.

Пахтани қисқа муддатларда йиғиштириб олишдек масъулиятли мавсумда фермерларга 2220 дан ортиқ ихтиёрий теримчи 23 отрядга бўлинган ҳолда кўмаклашмоқда. Ҳар бир отрядга 80-90 киши бириктирилган. 15-20 кишидан иборат нуронийлар гуруҳлари ҳам хирмонга ҳисса қўшмоқда.

Шу ўринда бир мулоҳаза қилиб кўрайлик. Кун давомида бир киши 60-70 килограмм пахта териш имкониятига эгалигини ҳисобга олсак, кунлик даромад 50-60 минг атрофида бўлади. Агар бир оиладан икки-уч нафар киши теримда қатнашса, ҳисоблаб кўринг, даромад қанча бўлади? Демак, вақтинча ишсиз кишилар, айниқса, хотин-қизлар учун иш ҳам етарли, даромад ҳам кўнгилдагидек.

Биз депутатлар пахтани қисқа муддатларда йиғиштириб олиш ишларига вақтинча ишсиз бўлган электоратимиз вакилларини кўпроқ жалб этишимиз керак. Чунки йиғим терим ишларида қатнашишдан улар фақат манфаат кўради. Шунингдек, партия ташкилотларимиз, депутатлар жойларда теримчилар учун маданий-маърифий тадбирлар ташкил этишга ҳам алоҳида эътибор қаратиши керак, деб ўйлайман.

 

Суйиндик АБДИМУРАТОВ,

халқ депутатлари Нукус туман Кенгашидаги ЎзХДП гуруҳи аъзоси.



DB query error.
Please try later.