Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
25.09.2018

НОЯБРЬ ОЙИДАЁҚ ГАЗЕТАЛАРИМИЗГА ЙИЛЛИК ОБУНА БЎЛИШГА КЕЛИШИБ ОЛИНДИ

Газетамизнинг шу йил 13 сентябрь сонида «Сурхондарёлик партиядошларимиз, депутатлар газета ўқимайдими?» сарлавҳали танқидий мақола эълон қилинганди. Унда 2018 йилги обунани ташкил қилиш борасида вилоятда қатор камчиликларга йўл қўйилгани, хусусан, партиядошларимиз ва маҳаллий Кенгашлар депутатларининг «Ўзбекистон овози» ва «Голос Узбекистана» газеталарига йиллик обуна бўлмагани ҳақида сўз юритилганди.

Жорий йилнинг 14 сентябрь куни Термиз шаҳрида маҳаллий кенгашлар раислари иштирокида Ўзбекис­тон ХДП Сурхондарё вилоят кенгаши ижроия қўмитасининг навбатдаги йиғилиши ўтказилди ва унда ушбу масала атрофлича муҳокама қилинди.

— Ютуқлар билан бир қаторда камчиликларимиз ҳам оз эмаслигини тан олишимиз керак, — деди Ўзбекистон ХДП Сурхондарё вилоят кенгаши раиси, халқ депутатлари вилоят Кенгашидаги Ўзбекистон ХДП гуруҳи аъзоси Мавжуда Ҳасанова. — Ўтган йили халқ депутатлари вилоят, 13 туман ва бир шаҳар Кенгашлари мутасаддилари томонидан партиямиз нашрларига икки нусхадан йиллик обуна расмийлаштирилгани қувонарли. Аммо халқ депутатлари вилоят Кенгашидаги 18 нафар депутатнинг 12, туман ва шаҳар Кенгашларидаги 125 депутатдан 66 нафари «Голос Узбекистана»га, икки нафар депутат «Ўзбекистон овози» газетасига обуна бўлмаганини қандай баҳолаш мумкин? Шер­обод, Сариосиё, Музработ, Қизириқ туманларида «Ўзбекистон овози» газетаси режаси 10-19, Ангор, ­Олтинсой ва Термиз туманларида 30-32 фоизга бажарилган.

Мавжуд 670 га яқин бошланғич партия ташкилотида обуна деярли уюштирилмаган. Бошланғич ташкилотлар етакчилари партия нашрларини ўқимаса, илғор тажрибаларни ўрганиб бормаса, улардан нимани кутиш мумкин?

Тадбир давомида Ўзбекистон ХДП Шеробод, Сариосиё, Музработ ва Қизириқ туманлари кенгашлари раисларига обуна масаласига жиддий ёндашиш, кўрсатма ва тавсияларни ўз вақтида бажариш вазифаси юклатилди.

Танқидий-таҳлилий руҳда ўтган йиғилиш якунида сурхондарёлик партиядошларимиз ва депутатлар ноябрь ойида партиямиз нашрлари обуна режасини бажаришга келишиб олинди.

— Ҳақиқатан ҳам мақолада долзарб масала хусусида фикр билдирилган, — дейди Ўзбекистон ХДП Музработ туман кенгаши раиси Панжи Норматов. — Электоратимиз вакиллари манфаатларини ҳимоя қилиш ва турмуш даражасини яхшилаш борасида олиб борилаётган чора-тадбирларнинг ёритилиши ва аҳолини бундан хабардор қилишда партиямиз нашрларининг аҳамияти катта. Аммо ўтган йилда «Ўзбекистон овози» бор-йўғи 17 фоизга, «Голос Узбекистана» газетаси эса 29 фоизга уддаланди, холос.

Танқидий мақола ва Термиз шаҳрида ўтказилган йиғилишдан ке­йин депутатлар, фаоллар ҳамда бошлан­ғич партия ташкилотлари етакчилари иштирокида давра суҳбати ташкил қилинди. Унда йўл қўйилган камчилик ва бой берилган имконият­лар алоҳида таъкидланган ҳолда келгуси йил учун «Ўзбекистон овози»га 42, «Голос Узбекистана» газетасига эса 20 нусхада йиллик обуна ташкил қилишга келишиб олдик.

Вилоятнинг барча туманларида ҳам обуна режасини ноябрь ойи охиригача бажаришга ҳаракат қилинмоқда.

 

Абдумалик ҲАЙДАРОВ,

«Ўзбекистон овози» мухбири.



DB query error.
Please try later.