Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
25.09.2018

ПАРТИЯДОШИМИЗ ИБРАТИ

«Валиобод» фермер хўжалиги раиси, халқ депутатлари Қизилтепа туман Кенгашидаги ЎзХДП гуруҳи аъзоси Раъно Валиеванинг бугун юзи ёруғ. У жорий йилда ҳам республикамизда биринчилардан бўлиб, пахта шартномавий режасини ортиғи билан бажарди.

— 31,3 гектар ерда пахтанинг «Бухоро-6» навини етиштирдик. Режада кўрсатилган 76,6 тонна ўрнига 80 тонна ҳосил йиғиштириб олдик, — дейди «Валиобод» фермер хўжалиги раиси, «Эл-юрт ҳурмати» ордени соҳиби ­Раъно Валиева. — Хомашёни клас­тер ҳамкоримиз «Бахт-текс­тиль» масъулияти чекланган жамиятига етказиб бердик. Давлатимиз томонидан фермерларга яратиб берилган шарт-шароитлар, кластер усулининг жорий этилгани ер эгаларининг оғирини енгил қилди. Техника ва минерал ўғитлар ўз вақтида етказилиб, суғориш ишлари намунали олиб борилди. Шунингдек, 60 нафар ҳашарчи ўз ихтиёри билан теримда иштирок этиб, бизга яқиндан кўмак берди. Терим пуллари уларга ўз вақтида тар­қатилди.

— Ҳозир туманимизда пахта йиғим-терим мавсуми авж паллада, — дейди ҳашарчи Насиба Маҳмудова. — Ҳар килограмм пахта учун 750 сўмдан пул олаяпмиз. Оиламиз билан кунига 250 килограммгача пахта теряпмиз.

— Раъно Валиевани нафақат туманимизда балки республикамизда ҳам яхши танишади, — дейди ЎзХДП Қизилтепа туман кенгаши раиси ­Фазлиддин Темиров. — У депутат сифатида ҳам фаол, доимо сайловчилар билан мулоқот қилиб, уларни ўйлантираётган масалаларни ҳал этишда ташаббус кўрсатиб келмоқда. Ҳар йили 3-4 нафар эҳтиёжманд оила фарзандларининг ўқиши учун шартнома пулларини тўлаб бермоқда. Сафимизда ана шундай фидойи инсонлар борлигидан фахрланамиз.

 

Илҳом САТТОРОВ



DB query error.
Please try later.