13.09.2018

ОГОҲ БЎЛИНГ, ПОРА БЕРИШ ҲАМ ЖИНОЯТ!

Жорий йилнинг 9 сентябрь куни Қашқадарё вилоятининг Чироқчи туман ИИБ ходими ўз раҳбарига ахборот бераркан, 8 сентябрь куни Сурхондарё вилояти Сариосиё туманида яшовчи А.К. шериги, Қарши туманида яшовчи С.А. билан Чироқчи тумани «Тошли» МФЙ ҳудудида жойлашган мол бозорида фуқаро Р.Қ.нинг сумкасидан 1 миллион 500 минг сўм пулини ўғирлаб кетганлиги ҳолати бўйича қўлга олиниб, туман ИИБга олиб келинганлигини, А.К.нинг акаси укасининг ишини ижобий ҳал қилиб беришни сўраб, унга 900 000 сўм пулни пора тариқасида таклиф этаётганлигини маълум қилган.

9 сентябрь куни вилоят ИИБ ва туман прокуратураси ходимлари томонидан ўтказилган тезкор тадбир натижасида А.К.нинг акаси ходимга хизмат хонасида 1 миллион 805 минг сўм пулни пора сифатида бераётганида тадбир иштирокчилари томонидан қўлга олинган.

Мазкур ҳолат юзасидан жиноят иши қўзғатилиб, тергов ҳаракатлари олиб борилмоқда.

 

Нилуфар ТЎРАХОНОВА,

 Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси ходими.


Фикр ва мулохазалар

Защита от автоматических сообщений

Сўнгги янгиликлар: