Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2018   
Du Se Cho Pa Ju Sha Ya
26 27 28 29 30 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30
31 1 2 3 4 5 6
11.09.2018

МАҚОМ САНЪАТИ ВА ЁШЛАР ТАРБИЯСИ

Назира ЎРОҚОВА, халқ депутатлари Қарши шаҳар Кенгашидаги ЎзХДП гуруҳи аъзоси, 6-сон ўрта таълим мактаби директори:

— Шаҳрисабзда мақом санъати бўйича ўтказилган анжуман бутун вилоятимиз аҳли учун катта байрамга айланиб кетди. Мақом анжумани қувончу шодликлари кириб бормаган оила қолмади. Айниқса, хорижий мамлакатлардан келган меҳмонлар билан жойлардаги учрашувлар жуда самимий ва ҳаяжонли ўтди. Улар халқимизнинг турмуш тарзи, миллий урф-одатлари билан танишишди. Ўзларининг миллий куй-қўшиқларини намойиш этишди.

Бу учрашувлар, мулоқотлар миллатларни бир-бирига яқинлаштиради, дўстлаштиради. Одам бир-бирини билмагач, бегонасирайди, билгач эса муносабати ўзгаради. Анжуман кунлари юзлаб хорижий меҳмонлар юртимизни ўз кўзлари билан кўришди, тарихий ёдгорликлар билан танишишди, буюк ўтмишимиз тўғрисида кўпроқ маълумотга эга бўлишди. Ўзбек халқи санъатсевар, кўнгли очиқ, меҳмондўст эканлигига ишонч ҳосил қилишди. Фестивалнинг энг муҳим аҳамияти шунда, деб ўйлайман.

Фестивалга тайёргарлик жараёнида нафақат тегишли идоралар, балки жамоат ташкилотлари, хусусан, партиямиз аъзолари ҳам фаол иштирок этди. Фестивалнинг юксак савияда ўтишида уларнинг ҳам ҳиссаси бор.

Ҳар бир ғоя ёки ташаббуснинг қўллаб-қувватланиши, яшаб кетиши унинг мақсадига, ғоясига боғлиқ. Президентимиз ташаббуси билан ўтказилган мақом санъати ғояси умуминсоний қадриятлар билан боғлиқ бўлгани учун ҳам дунёнинг кўплаб мамлакатларида қизиқиш уйғотмоқда, мақом санъати мухлислари томонидан қўллаб-қувватланмоқда. Анжуман кунларида қадим мақом санъатининг нозик қирралари, сеҳри ва куч-қудратини яна бир бор чуқур ҳис этдик ва бундан фахрланамиз, албатта. Ишончим комил, анжуманда қатнашган барча санъаткорлар, меҳмонлар байрам қувончларини ўз юртларига олиб кетишди. Биз эса зиммамизда яна бир вазифа борлигини англаб етдик. Фарзандларимиз маънавияти юксак бўлиши, ўзбекона феъли, қалби бўлиши учун мақом санъатини улар ўртасида кенг тарғиб қилишимиз керак бўлади. Бу вазифа асосан ота-оналар ва ўқитувчилар зиммасида, деб ўйлайман.



DB query error.
Please try later.