Охирги сонда



Кўп ўқилган мақолалар



Долзарб мавзу



Мақолалар архиви

«    Dekabr 2019   
Du Se Cho Pa Ju Sha Ya
25 26 27 28 29 30 1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31 1 2 3 4 5
06.09.2018

ЯНГИ ЎҚУВ ЙИЛИНГИЗ МУБОРАК БЎЛСИН!

5 сентябрь куни мамлакатимиздаги барча умумтаълим мактабларида янги ўқув йили бошланиши муносабати билан Билимлар куни тадбирлари бўлиб ўтди.

Яккасарой туманидаги 319-умумтаълим мактаби ҳовлиси ҳам байрамона безатилган. Ҳамманинг юз-кўзида табассум. Айниқса, муқаддас даргоҳга илк қадамини ташлаётган ўғил-қизларнинг ҳаяжони чексиз. Уларнинг ота-оналари билан суҳбатлашдик.

— Фарзандим эрта тонгда уйғониб, бир неча кун аввал тайёрлаб қўйган мактаб либосларини кийди, — дейди Умида Газиева. — Ўқув даргоҳига отланар эканмиз, тинмай савол берарди. Мактабга дафтар, китоб олиб боришим керакмасми, уларсиз қандай дарс тайёрлайман, дерди. Биринчи синфга қадам қўйган болажонларга «Президент совғаси» берилишини тушунтирдим. Унда керакли барча ўқув қуроллари борлигини айтдим. Фарзандим бундан жуда қувонди.

Байрам иштирокчиларини ­дастлаб ЎзХДП Марказий Кенгаши бўлим мудири Нилуфар Йўлдошева Билимлар куни билан табриклади. Юртимизда ёш авлод таълим-тарбияси йўлида қилинаётган ишлар тўғрисида тўхталди.

Ниҳоят, ўғил-қизлар орзиқиб кутган биринчи қўнғироқ чалинди. Ўқитувчилар етакчилигида ўқувчилар ўз синфларига ошиқишди. Бу жараён кишига ҳаяжон бағишлайди, болалик хотираларини жонлантиради. Биз ҳам ўқувчилар билан синф хоналарига йўл олдик.

— Бугунги кунда мактабимизда 740 нафар ўқувчи таҳсил олмоқда, — деди халқ депутатлари Яккасарой туман Кенгашидаги ЎзХДП гуруҳи аъзоси, 319-умутаълим мактаби директори Саёҳат ­Тошматова. — Уларга 50 нафардан ортиқ малакали ўқитувчи таълим бериб келмоқда. Мактабимизда спорт, мусиқа, ҳунармандчилик, фан тўгараклари фаолият юритади. Жорий ўқув йилида эса дарсдан ташқари «Истиқлол барслари» номидаги ихтисослаштирилган ҳарбий синф ҳам ташкил этилди.

Мактаб директори бизни дастлаб, биринчи синф хонасига бошлади. У ерда «Мустақиллик дарс»лари самимий руҳда ўтказилаётганига гувоҳ бўлдик.

«Ўзбекистон овози» ва «Голос Узбекистана» газеталари Бош муҳаррири Сафар Остонов дарс жараёнида мустақиллик имкониятлари, ўзининг ҳаёт тажрибалари ҳақида сўзлаб берди. Орзу, ниятларга етиш учун аввало аъло ўқиш, чуқур билим олиш, астойдил интилиш кераклигини айтди.

Қарийб уч ой давомида ўқувчиларини кутган мактаб қучоғи яна ўғил-қизлар билан тўлди. «Президент совғаси» — 12 номдаги ўқув қуроллари солинган мактаб сумкасини олган биринчи синфлар ўқувчиларининг қувончи ва ҳайрати, бир-бирини соғинган синфдошларнинг шодликлари кишини ҳаяжонга солади, ғурурлантиради. Хаёлига беихтиёр бир тилак келади: Янги ўқув йилингиз муборак бўлсин, доимо аъло баҳоларга ўқиб, ота-она ва устозлар!

 

Маҳлиё АЛИҚУЛОВА,

«Ўзбекистон овози» мухбири.


Фикр ва мулохазалар

Защита от автоматических сообщений

Сўнгги янгиликлар: