Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
21.06.2018

ИСТИҚБОЛЛИ ЛОЙИҲАЛАР ТАҚДИМ ЭТИЛДИ

Танловнинг Навоий вилоят босқичи Навоий шаҳрида бўлиб ўтди. Унда депутатлар, партия фаоллари, ёшлар иштирок этди.

— Танловнинг нуфузи йилдан-йилга ошиб, унга ёшларнинг қизиқиши ортиб бормоқда, — дейди ЎзХДП Навоий вилоят кенгаши сектор мудири Латифжон Азизов. — Агар рақамларга эътибор қаратадиган бўлсак, ўтган йили 1300 нафарга яқин, жорий йилда 2014 нафар ёшлар танловда қатнашиш истагини билдиришди. Танловнинг туман ва шаҳар босқичларидан ғолибларни саралаш осон бўлмади.

Партиянинг вилоят кенгаши раиси вазифасини бажарувчи Мақсуд Нуруллаев танловни очиқ деб эълон қилди ва иштирокчиларга омад тилади.

Иштирокчилар ўз билим ва маҳоратини намоён этишга киришди.

Томди туманидан Нурсулу Сариева «Обод хонадон — обод қишлоқ: муаммо ва ечим» мавзусида тайёрлаган лойиҳаси ҳақида тўлқинланиб гапирди.

— Бизнинг ҳудудимизда ҳам якка-ёлғиз, ижтимоий ҳимояга муҳтож кишилар бор, — дейди у. — Айримларининг хонадонлари таъмирга муҳтож. Биз ҳомийлар, депутатлар ва тадбиркорларнинг молиявий кўмаги билан ана шундай кишиларнинг уйларини таъмирлашни ният қилдик. Бунинг учун кўнгилли қурувчи ва ёшлар таклиф этилади. Хонадонга зарур бўладиган қурилиш маҳсулотлари ва буёқлар ҳомийлар томонидан келиб тушган маблағ эвазига қопланади.

Карманалик Шаҳло Орзиеванинг лойиҳаси ҳам кўпчиликка маъқул бўлди. Лойиҳада қишлоқ жойларда эпидемиологик мувозанатни барқарорлаштириш таклифи илгари сурилди.

Иккинчи ва учинчи шартлар ҳам қизғин баҳсларга бой тарзда ўтди.

Якуний натижаларга кўра, карманалик Шаҳло Орзиева республика босқичида иштирок этадиган бўлди. Ғолиб ва совриндорларга диплом ва эсдалик совғалари топширилди.

 

Илҳом САТТОРОВ,

«Ўзбекистон овози» мухбири.



DB query error.
Please try later.