Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
14.06.2018

«АЛЛОҲ ХОЛИСОНА ҚИЛИНГАН ИБОДАТНИ ЁҚТИРАДИ»

Бугун Рамазон ойи ниҳоясига етиб, эртага юртимиз бўйлаб Ҳайит байрами нишонланади. Муборак ойда пок ниятлар ила рўза тутган аҳли мусулмонга қанчалик мукофот ёзилиши хусусида Тошкент шаҳридаги Носирхон жомеъ масжиди имом-хатиби Абдулҳаким Матқулов қуйидагиларни гапириб берди:

— Бисмиллаҳир раҳмонир роҳим. Алҳамду лиллаҳи роббил ъаламин. Вассолату вассаламу ъала расулиллаҳи ва ъала олиҳи ва асҳаби ажмаъийн. Аллоҳ таолога беадад ҳамду санолар, Муҳаммад алайҳиссаломга дуруду салавотлар бўлсин.

Рўза — буюк ибодатдир. Бу ибодатда Аллоҳга ҳеч ким ва ҳеч нарса шерик қилинмаган. Шунинг учун ҳам Аллоҳ рўзани Ўзига хослади, яъни: «Рўза Мен учундир, унинг мукофотини Ўзим бераман», деб марҳамат қилган.

Пайғамбаримиз (соллаллоҳу алайҳи васаллам) нақл қилганларки: «ҳар бир одам боласининг қилган ишини Аллоҳ ажрини ўн баробардан етти юз баробаргача кўпайтиради. Магар рўза Унинг учундир, мукофотини Унинг ўзи беради».

Уламолар ушбу ҳадис хусусида, ҳар хил фикрлар билдиришган.

— Рўзага риё аралашмайди. У қалбан бажариладиган нарса, бошқа амалларга риё аралашган бўлиши мумкин. Чунки ибодатлар ичида фақат рўзагина инсонлардан махфий, ниятнинг ўзи билан амалга оширилади.

— «Унинг ўзи мукофотлайди», сўзининг маъноси рўзага бериладиган ажр-савоб миқдорини Аллоҳдан бошқа ҳеч ким билмайди, деганидир.

— «Рўза Аллоҳ учун, Аллоҳ уни мукофотлайди», дегани «Аллоҳ холисона қилинган ибодатни ёқтиради», деган маънодадир.

— Таомланишдан беҳожат бўлиш ёлғиз Аллоҳнинг сифатидандир. Мўмин рўзадор бўлганида мана шу илоҳий сифат билан хулқланади, Аллоҳга қурбат ҳосил қилади.

— Бунда малоикаларга ўхшашлик ҳам бордир. Чунки улар таомдан беҳожатдирлар.

— Ҳамма ибодатларда баъзан бандаларга зулм етказиб қўйиш эҳтимоли бор, рўзада эса бундай эмас. Уламои киромлар Аллоҳ учун тутилган рўза тилида ва амалида гуноҳлардан сақланган кишининг рўзаси эканига иттифоқ қилишган.

Пайғамбаримиз (соллаллоҳу алайҳи васаллам) айтадилар: «Рамазоннинг ҳар бир соатида Қадр кечасигача олти юз мингта дўзахга маҳкум бўлган киши дўзахдан озод қилинадилар, Қадр кечасида эса ойнинг аввалидан бошлаб унгача озод қилинганлар миқдорича киши озод қилинади. Ҳайит куни эса бу муборак ойнинг бошидан то охиригача озод қилинганларнинг ададича киши озод қилинади» («Мишкот»).

 

Шаҳбоз САИДОВ

ёзиб олди.



DB query error.
Please try later.