14.06.2018

ДАВЛАТИМИЗНИНГ ЭНГ КАТТА СИЁСАТИ — АЁЛЛАРНИ ҚАДРЛАШ, УЛУҒЛАШ ВА ҲАЁТДАН РОЗИ ҚИЛИШ

Ойдин Ҳайитова, Ўзбекистон ХДП Марказий Кенгаши Ахборот хизмати бош мутахассиси:

Бугун биз қаерда бўлмасин, Президентимиз нутқларини, мамлакатимиз аҳолиси билан учрашувларда айтадиган гапларини қизиқиш билан кутишга, диққат билан эшитишга ўрганиб қолдик. Чунки ҳар гал янги фикрлар, ташаббуслар илгари суриляпти, кўпчиликнинг дилида турган гаплар айтиляпти.

Президентимизнинг Фарғона вилоятига икки кунлик ташрифини ҳам фарғоналиклар билан бирга ҳаммамиз катта эътибор ва ҳаяжон билан кузатиб бордик. Вилоятни ижтимоий-иқтисодий ривожлантириш билан боғлиқ кўп таклифлар билдирилди, булар барчаси нафақат Фарғона водийси, балки мамлакатимиз тараққиёти, халқимиз турмуш фаровонлигига хизмат қилади, албатта.

Тўғриси, давлатимиз раҳбари қайси соҳа кишилари билан учрашмасин, қани, нима деркин, қандай таклифларни билдираркин, деган қизиқиш билан кутамиз. Марғилон шаҳридаги «Нармтекс» масъулияти чекланган жамиятида бўлиб, тикувчи аёллар билан суҳбат чоғида айтган гаплари ҳам биз хотин-қизлар кўнглини яна бир бор ёритди. Кайфиятимизни кўтарди. Бошқача айтганда, хулоса чиқариб олиш, барча партия ташкилотлари фаоллари тарғибот ишларида дастуриламал сифатида фойдаланиши керак бўлган фикрлар билдирилди.

Президентимиз хотин-қизларимизнинг кийиниш маданиятига эътиборимизни қаратди. «Либоси ўзига ярашса, аёл кишининг кайфияти яхши бўлади», деган фикр устида ўйлаб кўрайлик.

Бундай туйғуларни ҳар биримиз ўзимиз мисолимизда ҳис этамиз. Чиройли ва бежирим миллий кийимлар кийган хотин-қизларимизни кўрганда ҳам қандай суюнамиз, дилимиз яйраб кетади. Президентимиз айтганидек, «Бизга бўлаверади», деган кайфиятда яшаш вақти ўтди. Одамлар бугун яхши яшаши, яхши кийиниши, муносиб ҳаёт кечириши лозим.

Ўша учрашувдаги яна бир гап оналаримиз ва опа-сингилларимизни бирдек қувонтирди, деб ўйлайман. Қаранг, «...аёлларни рози қилиш давлатимизнинг энг катта сиёсати», деди Юртбошимиз. Биз бу сўзлар замирида аёлларни қадрлаш, улуғлаш, бошга кўтаришдек ғоятда эъзозли мақсадлар борлигини англаб турибмиз.

Шу ўринда айтиш кекракки, англаш масаланинг бир томони. Лекин шу ғамхўрликка жавобан муносиб меҳнат қилиш, хусусан, бу сиёсат мақсадини фаол тарғиб қилиш ҳар бир партия хадимининг муҳим вазифасидир. Аёлларни қадрлаган, эъзозлаган мамлакатда тинчлик, аҳиллик, меҳр-оқибат, тараққиёт бўлади.



DB query error.
Please try later.