Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
07.06.2018

МАМЛАКАТИМИЗДАГИ ЭНГ ЁШ ДЕПУТАТ ТАШАББУСКОРЛИКДА КЎПЧИЛИККА ЎРНАК БЎЛЯПТИ

Ўзбекистон ХДП Фарғона вилоят кенгаши бўлим бош­лиғи Шоҳруҳ Ўктамов Риш­тон туман Кенгаши депутатлигига сайланган.

Ишонсангиз, у 1996 йилда туғилган, ҳозир 22 ёшда, рес­публикамиздаги энг ёш депутат. Лекин ташаббускорлиги, фидойилиги билан кўпнинг ишончини қозонишга улгурди.

Шоҳруҳ маҳалладошларини ўйлантираётган қатор муаммоларни ҳал этишда ибрат кўрсатди. Одамларнинг оғирини енгиллатишга астойдил интиляпти.

«Навбаҳор» маҳалласида 2500 дан ортиқ аҳоли истиқомат қилади. Шундан 300 нафарга яқини уч ёшдан олти ёшгача бўлган болалардир. Маҳаллада битта мактабгача таълим муассасаси бўлиб, у «Боғис­тон» маҳалласида жойлашган 22-сонли мактабгача таълим муассасасининг филиали ҳисобланади. 141 ўринга мўлжалланган болалар боғчасининг иккинчи қавати фойдаланишга яроқсиз ҳолатда эди. Ёғингарчилик мавсумида бинонинг шифтидан сув ўтарди.

Ёш депутат муассасага бориб, ҳақиқий аҳволни ўрганди. Ошхона жиҳозлари талабга жавоб бермаслиги, иситиш тизими эскиргани аниқланди.

Аҳоли вакилларининг фикр-мулоҳазаларини тинглаб, шу асосда таклифлар тайёрлади. Уларни вилоят мактабгача таълим муассасалари бошқармасига топширди. Таклиф қўллаб-қувватланди. Муассасага алоҳида юридик мақом берилди. Болалар боғчаси келгуси йилги давлат дастурига киритиладиган, капитал таъмирланадиган бўлди. Маҳалла аҳолиси ҳам ҳомийлик маблағлари асосида кўмак­лашишини билдирди.

Муассаса ҳовлисидаги ердан томорқа сифатида фойдаланиш мумкин. Иссиқхона ташкил этилса, қўшимча даромад манбаига айланади. Шуни инобатга олган ҳолда, банкдан имтиёзли кредит олиш режалаштирилди.

«Навбаҳор» маҳалласидан туман марказигача бўлган масофа 18 километрни ташкил этади. Аммо ҳали-ҳануз автобус ҳара­кати йўлга қўйилмаганди. Масала ечими юзасидан Шоҳруҳ Ўктамов Ўзбекистон автомобиль транспорт агентлиги Фарғона вилоят бош­қармасига таклифларини юборди. Кўп вақт ўтмай, туман марказидан маҳаллагача 4 автобус қатнови йўлга қўйилди.

«Навбаҳор» маҳалла фуқаролар йиғини фаолларидан бири Шавкат Жавлонов депутатимиз ҳақида шундай дейди:

— Маҳалламиз аҳли Шоҳруҳ ­Ўктамовга овоз беришганидан мамнун. У ишончимизни оқламоқда. Туман марказидаги бозорда ташкил этилган «Рошидоний Халқ кутубхонаси» бузилишининг олдини олишда ҳам унинг ҳиссаси борлиги барчамизни хурсанд қилди. Унинг ташаббуси билан ҳудуддаги қабристонга олиб борадиган қарийб бир километр йўл ҳам таъмирланадиган бўлди. Ўйлайманки, депутатлар сафини катта ёшли, кўпни кўрган, тажрибали кишилар билан бирга, куч-ғайратга тўла, ташаббускор ва изланувчан ёшлар билан бойитиш керак. Ана шунда тажрибали халқ вакиллари билан фаол ёшларнинг кучи бирлаштирилади. Бундан одамлар манфаатдор бўлади.

 

Фарҳод УСМОНОВ



DB query error.
Please try later.