07.06.2018

«АҚШ ЎЗБЕКИСТОННИ МИНТАҚА ЕТАКЧИСИ СИФАТИДА КЎРАДИ»

«Евразия Эксперт» сайтида Ўзбекистон Президенти Шавкат Мирзиёевнинг АҚШга ташрифи ва икки мамлакат ўртасидаги алоқаларга бағишланган мақола чоп этилди. Уни бироз қисқартирган ҳолда эътиборингизга ҳавола қиляпмиз.

«Ўзбекистон Президенти Шавкат Мирзиёевнинг АҚШга давлат ташрифини икки томон ҳам тарихий деб баҳолади. Ўзбекистон Ташқи ишлар вазирлигининг таърифича, «бу стратегик ҳамкорликнинг янги даври». Бундай фикр билдирилишига барча асослар етарли. Тошкент ва Вашингтон умумий қиймати 4,8 миллиард доллар бўлган 20 йирик шартномани имзолади. Шубҳасиз, бу жуда йирик инвестициядир.

АҚШ Афғонистондаги вазиятни яхшилашда Ўзбекистон ёрдамига таянмоқчи. Баъзи бир давлатлар билан муносабатларнинг ёмонлашиши оқибатида Ўзбекистон АҚШ учун Афғонистон бўйича ягона имконият бўлиб турибди.

Шавкат Мирзиёевнинг АҚШга ташрифи вақтида ҳам Афғонистон мавзуси кўп бор кўтарилди. АҚШ мудофаа вазири Жеймс Мэттис Ўзбекистон Президенти билан музокаралар чоғида Афғонистондаги вазиятни барқарорлаштиришда Тошкент муҳим ўрин тутишини алоҳида таъкидлади.

Музокаралардан маълум бўлдики, АҚШ Ўзбекистонни минтақа етакчиси сифатида кўради.

АҚШ ўз навбатида Марказий Осиё ва Кавказ институти раҳбари Фредерик Старр томонидан илгари сурилган «Катта Марказий Осиё» геосиёсий концепциясини ҳам назардан қочиргани йўқ. Бунда Марказий Осиёдаги бешта давлат ёнига Афғонистон, Эрон, Ҳиндистон ва Покистон ҳам қўшилиши назарда тутилган.

Старрнинг фикрича, мазкур минтақа давлатларининг иқтисодий жиҳатдан интеграциялашуви учун ягона транспорт ва савдо инфратузилмасини яратиш зарур. Старр 2010 йилда бу ғояни «Янги Ипак йўли» деб ўзгартирди. Унга кўра, Афғонистон Марказий ва Жанубий Осиёни бирлаштириш учун транзит марказга айланиши керак.

Дональд Трамп Шавкат Мирзиёев билан музокаралар чоғида минтақавий иқтисодий жараёнларда Ўзбекистоннинг ролини юксак баҳолади. Шунингдек, Афғонистон билан савдо-иқтисодий алоқаларнинг кенгайтирилганини ҳам олқишлади».

 

Темур АЪЗАМ тайёрлади.



DB query error.
Please try later.