Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
05.06.2018

«ФОЛЬКЛОР САНЪАТИ ИНСОНИЯТ РУҲИГА ҲАЁТ БАХШ ЭТАДИ»

Нурота тумани марказида жойлашган қадимий чашма ҳудудида учинчи маротаба ўтказилаётган «Нурли наволар» халқаро фестивалида Қозоғистон, Афғонистон, Тожикистон, Германия, Франция, Хитой, Корея, Россия сингари 30 га яқин мамлакатдан келган санъаткорлар, фольклор-этнографик жамоалар, бахшилар, олимлар сайёҳлар иштирок этди.

— Нурота чашмаси табиат ва набототга жон бахш этса, фольк­лор санъати инсоният руҳига ҳаёт бахш этади, — дейди Ўзбекистонда хизмат кўрсатган маданият ходими, филология фанлари доктори ­Маматқул Жўраев. — Вилоятлардан келган фольклор жа­моалари ҳудудларга хос бўлган қадимий анъаналарни акс эттирадиган қўшиқларни ижро этишди. Унутилиш арафасида турган қадриятларимизнинг ҳудудларда қайта тикланаётгани мени ниҳоятда хурсанд қилди. Энг қимматлиси, фольк­лор жамоалари жуда қадимий қўшиқларни жойларда яшаётган кексалардан ёзиб олиб, уларни сайқаллаб, яна асрлар давомида яшаб қолишига ҳисса қўшаётгани қувонарлидир.

— Ўзбек халқининг қадимий анъаналари, ўтмиши, урф-одатлари мени доимо ўзига мафтун этиб келган, — дейди фран­ция­лик меҳмон Марие Лоуисе Чардом. — Айниқса, Сурхондарё, Қашқадарё ва Хоразм­дан келган фольклор жамоаларининг чиқишларидан катта таассурот олдим. Номоддий маданий меросни асраб, авайлашга қаратилаётган бундай фестиваллар қадимий анъаналарнинг софлигича сақланиб қолишига хизмат қилади.

— Анжуманда вилоятимизнинг ўзига хос миллий рақс ва қўшиқларини ижро қилдик, — дейди бухоролик Кумуш ­Зокирова. — Шу билан бирга республикамизнинг турли ҳудудларида бир неча асрлардан буён сақланиб келинаётган анъаналар билан ҳам танишиш имконига эга бўл­дик.

— Қозоқ ва ўзбек халқининг анъаналари кўп жиҳатдан ўхшаш, — дейди қозоғис­тонлик санъаткор Турар ­Алминов. — Фестивалда ушбу ҳақиқат яна бир бор намоён бўлди. Навоий шаҳридаги ўзгаришлардан, тўғриси, жуда ҳайратландим.

Фестивалнинг иккинчи куни Навоий шаҳридаги Алишер ­Навоий боғида давом этди. Иштирокчиларга Маданият вазирлиги, Навоий вилоя­ти ҳокимлигининг қимматбаҳо совғалари топширилди. Анжуман якунида санъаткорлар иштирокида галаконцерт ташкил этилди.

 

 Илҳом САТТОРОВ,

«Ўзбекистон овози» мухбири.



DB query error.
Please try later.