24.05.2018

ИШЛАШГА ЙЎЛ ОЧИШ, ИШЛАЙМАН ДЕГАНГА ЁРДАМ БЕРИШ

одамларни рози қилишнинг энг мақбул йўли эканини ҳаммамиз англаб етяпмиз

Президентимиз «Ҳар бир оила — тадбиркор» дастурининг Андижон вилояти мисолидаги концепцияси билан танишди. Республикада аҳоли энг зич жойлашган вилоят Андижон ҳисобланади. Шу боисдан ҳам аҳолини иш билан таъминлаш долзарб вазифа экани таъкидланди. Бу масала ечимида мазкур дастур жуда катта аҳамиятга эга. Чунки бандлик муаммосини бир-иккита завод қуриш билан ҳал қилиб бўлмаслигини ҳаётнинг ўзи кўрсатмоқда.

 

Абдулҳамид Нурматов, Ўзбекистон ХДП Андижон вилоят кенгаши раиси, халқ депутатлари вилоят Кенгашидаги партия гуруҳи раҳбари:

      Президентимиз ўтган йил вилоятимизга ташрифи чоғида қатор истиқболли лойиҳаларни амалга ошириш юзасидан топшириқлар берган эди. Шу асосда Андижонда жуда катта ҳажмдаги бунёдкорлик ишлари амалга оширилди. Янги корхоналар қурилиб, иш ўринлари яратилди, шифохоналар, мактабгача таълим муассасалари, аҳоли яшаш жойлари қурилди. Вилоятнинг ҳар бир маҳалласи, ташкилотида ободонлаштириш ишлари авж олди.

Партиямиз электорати вакиллари ҳисобланадиган эҳтиёжманд, ногиронлиги бўлган шахсларга уй-жой қуриш, ногиронлик аравачалари, протезлар билан таъминлаш борасида ҳам катта ишлар қилинди. Бундан илҳомланган партия фаоллари ногиронлиги бўлган шахслар ҳолидан хабар олиб, уларни ўйлантираётган масалаларни ўрганди. Муаммолар ечими юзасидан таклифлар ишлаб чиқиб, партиямиз фракцияси аъзоларига тақдим этилди.

Президентимизнинг 19-20 май кунлари вилоятимизга ташрифи пайтида амалга оширилган ишлар ҳақида билдирган фикрлари, андижонликларга алоҳида эътибори барчамизни қувонтирди. Юртимиз равнақи йўлида енг шимариб ишлашга илҳомлантирди.

Ўтган йили умумий қиймати 1,5 триллион сўм бўлган 3 мингдан зиёд лойиҳа амалга оширилди. Натижада кўплаб янги иш ўринлари яратилди. Биргина «Milana textile» масъулияти чекланган жамиятининг ўзида 200 нафардан ортиқ хотин-қиз доимий иш ўрнига эга бўлди. Вилоятда 50 мингга яқин иш ўрни яратилиши одамларнинг кайфиятини кўтарди.

«Асосий мақсадимиз – одамларни рози қилиш. Бунинг учун янги иш ўринлари яратишимиз, аҳолининг турмуш шароитини янада яхшилашимиз керак», деди Президентимиз аҳоли билан мулоқот чоғида. Инсон аввало муқим иш ўрнига эга бўлса, ҳаётдан рози бўлади. Мамлакат ривожи учун хизматга шайланади. Акс ҳолда, фақат рўзғор тебратиш, амал-тақал қилиб кун ўтказиш ҳақида бош қотиради. Ваҳоланки, бугун катта режалар, катта мақсадлар сари ҳаракат қиладиган замон.

Президентимиз «Ҳар бир оила — тадбиркор» дастурининг Андижон вилояти мисолидаги концепцияси билан танишди. Республикада аҳоли энг зич жойлашган вилоят Андижон ҳисобланади. Шу боисдан ҳам аҳолига иш жойи қилиб бериш долзарб вазифа экани таъкидланди. Бу масала ечимида мазкур дастур жуда катта аҳамиятга эга. Чунки бандлик муаммосини бир-иккита завод қуриш билан ҳал қилиб бўлмаслигини ҳаётнинг ўзи кўрсатмоқда.

«Бу ерда одамларни фақат тадбиркорлик, ҳунармандлик орқали боқиш мумкин. Хонадонларга маблағ ва зарур ускуналар бериб, иш юритишни ўргатсак, одамлар ўзини-ўзи боқади... Одамларни қўллаб-қувватлаш, тадбиркорликка ўргатишнинг иқтисодий механизми мана шундай бўлиши керак». Бу фикрлар аввало ЎзХДП электорати манфаатига хизмат қилади. Демак, биз партия фаоллари бу вазифа тарғиботи ва ижроси йўлида ҳаммадан кўра кўпроқ меҳнат қилишимиз керак.

Энг паст фоизларда имтиёзли кредитлар ажратиш бўйича берилган кўрсатмалар янги иш ўринлари яратиш имкониятини кенгайтиришга, Андижон вилоятининг янада равнақ топишига хизмат қилади, деб ўйлайман. Нимага десангиз, деҳқончилик, ҳунармандчилик бирданига даромад келтирадиган соҳалар эмас. Кредит фоизи юқори бўлса, одамлар қийналиб қолади.

Аҳолининг фақат истеъмолчи, талаб қилувчи бўлиб қолмасдан, ислоҳотлар иштирокчиси бўлиши долзарб аҳамиятга эгадир. Биз жойлардаги тарғибот тадбирларида бу масалага алоҳида эътибор қаратамиз.

Ўйлайманки, муборак Рамазон ойи кунларида Президентимизнинг вилоятимизга ташрифи ҳар томонлама хайрли бўлди ва унинг натижаси ҳам юқори бўлишига ишончимиз комил.

Шу кунларда вилоятимизда барча маҳаллий Кенгашларда сессиялар ўтказилмоқда, ҳудудлардаги ҳақиқий ҳолат очиқ-ойдин таҳлил қилиняпти, хато-камчиликларни ҳал қилиш чоралари белгиланяпти. Куч ва имкониятларимизни бирлаштириш, ҳаммани бир ёқадан бош чиқариб ишлашга ундашда бундай сессияларнинг, ўйлайманки, аҳамияти катта бўлади.



DB query error.
Please try later.