Охирги сонда



Кўп ўқилган мақолалар



Долзарб мавзу



Мақолалар архиви

«    Aprel 2019   
Du Se Cho Pa Ju Sha Ya
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5
08.05.2018

СИЗГА ТАЪЗИМ, СИЗГА ЭҲТИРОМ

Хотира ва қадрлаш куни муносабати билан Ўзбекистон Халқ демократик партияси ташкилотлари мам­лакатимизнинг барча ҳудудларида кенг қамровли тадбирлар ўтказмоқда.

ЎзХДП Марказий Кенгаши ходимлари 3 май куни эрталаб пойтахтимизнинг Мирзо Улуғбек тумани томон йўл олишди. Дастлаб, «Шўртепа» маҳалласида яшовчи фронт ортида меҳнат қилган ­Хотира Қосимова хонадонида бў­лишди.

— Куни кеча 90 ёшга тўлдим, — деди онахон. — Фарзандларим, невара, эвараларим бир ерга жам бўлди. Уларга боқиб, шукр қилдим. Болалигим ёдимга тушди. Уруш бошланганида 13 ёшда эдим. Эркаклар урушга кетган, барча оғир ишлар аёлларнинг зиммасида эди. Ёш болалар ҳам очликдан ўлмаслик учун ишларди. Уруш даҳшатларини турмуш ўртоғимдан эшитганман. Улар сафдошларини ёдга олганда хўрсиниб шундай дерди: «Мен-ку оила қурмагандим. Уларнинг йўлига кўз тикувчилар бор эди. Кўпчилиги чимилдиқдан урушга отланганди. Баъзилари фар­занд­ли бўлгани ҳақида хат олиб, Андижон полкаси»га ўйнаб берарди.

Шукрки, у замонлар ортда қолди. Ҳозир элимиз ардоғида яшаяпмиз. Мана бугун сизлар келиб турибсиз. Айниқса, Ўзбекистон халқ артисти Гавҳар Зокировани кўриб, жуда хурсанд бўлдим. У билан юзма-юз суҳбатлашишни кўпдан ният қилгандим.

Кейинги манзил бир неча йиллар фронт ортида меҳнат қилган 90 ёшли Онажон Усмонова хонадони бўлди.

— Хотира ва қадрлаш куни муносабати билан сиздан бир ҳол-аҳвол сўрайлик, деб келдик, — деди ЎзХДП Марказий Кенгаши бўлим мудири Нилуфар Йўлдошева.

            Хуш келибсизлар, — деди онахон.

Самимий суҳбат бошланди.

— Уруш бошланганида 13 ёшда эдим, — деди у. — Бизнинг оиладан 7 киши урушга кетди. Шулардан фақат отам оёғидан яраланиб, қайтиб келди. Тоғамнинг турмуш ўртоғи умрининг охиригача уларни кутди. Ҳар куни эрта тонгдан дарвозани катта очиб қўярди. Бунинг сабабини сўраганимизда, «Отаси келиб қолса, мени унутишибди, деб ўйламасин», дерди.

Отам урушда вақти бизга жуда оғир бўлди. Эсласам, ҳали-ҳамон этим жунжикади. Кун бўйи далада меҳнат қилардик. Бувим нонни қулоғимизга ўлчаб берарди. У кунларни ҳеч кимга кўрсатмасин.

Партия фаоллари Иккинчи жаҳон уруши даврида Ленинград қамалида фашистлар билан мардонавор курашган 94 ёшли Жафар Мирзаев хонадонида ҳам бўлишди.

Шунингдек, ЎзХДП Тошкент шаҳар кенгаши мутасаддилари ­Шайхонтоҳур тумани «Сузукота» маҳалласида умргузаронлик қилаётган 100 ёшли Қумри Нуриддинованинг ҳолидан хабар олди.

— Катта Фарғона канали қурилишида иштирок этганман, — деди онахон. — Ёш эдик. Бектемир туманидаги заводда оддий ишчи бўлиб ишлардим. Завод ишчиларини бир автобус қилиб канал қурилишига олиб борарди. Ҳамон ёдимда, матодан тикилган халтамиз бўларди. Унга тупроқ тўлдириб беришар, биз уни нарвондан тепага олиб чиқиб, белгиланган ерга тўкиб келардик.

Партия фаоллари Иккинчи жаҳон уруши қатнашчиси ­Абдуқаҳҳор Холматов, Мақсуд Оқилов хонадонида ҳам бўлишди. Уларнинг хотираларини тинглашди.

— Биз сизлардан чин маънода қарздормиз, — деди ЎзХДП Тошкент шаҳар ­кенгаши раиси Ҳайдар ­Бобохонов. — Сизлар кўрсатган қаҳрамонликлар ҳеч қачон унутилмайди. Барчангизнинг умрингиз узоқ бўлсин.

Тошкент шаҳар партия кенгаши ва Яшнобод туман кенгаши депутатлари 100 нафар уруш қатнашчиси, ёлғиз нуронийлар, ногиронлиги бўлган шахслар иштирокида Туябўғиз сув омборига саёҳат уюштиришди.

Нуронийлар билан суҳбатдан сўнг бир хулосага келдик: инсониятга мислсиз йўқотишлар, мусибатлар олиб келган бу урушни, жанггоҳларда мардонавор курашган ота-боболаримизни унутишга ҳеч кимнинг ҳаққи йўқ.

 

Маҳлиё АЛИҚУЛОВА,

«Ўзбекистон овози» мухбири.



DB query error.
Please try later.